7. In Translatione s. Agathae.
39. De beato Arnulphi) Villariensi.
56. In Translatione s. Birgittae.
61. In Ordinatione s. Bonifatii.
69. De s. Christino cum fratribus.
78. De ss. Chrysanto et Daria.
74. In Translatione s. Clarae.
84. De ss. Desiderio et Reginfrido.
86. In translatione s. Dominici.
85. In Translatione s. Matthaei.
86. De ss. Maximo, Juliano, Felicitate et Innocentio.
In 1. Vesperis.
Super Psalmos.
1. Fuit re et gratia
Homo benedictus,
Vir, qui nunc in patria
Sanctus est et iustus.
2. Nursiae provincia
Dedit hunc alumnum,
Vicit puer vitia,
Zabulum et mundum.
3. Quem Romanus suscipit
Sub Adeodato,
Aqua, pane reficit
Signo resti dato.
4. Ille nequam spiritus
In calculis iactatis
Fregit signum invidus
Huius caritatis.
5. Sed Romanus destitit
Nusquam ab incepto,
Nec sacerdos defuit
Die Pascbae festo.
Ad Magnificat.
A. O decus ecclesiae
Et honoris vasculum,
O pater clementiae,
Tu dux, tu lux, speculum
Regularis vitae;
Exemplum munditiae,
Veritatis calculum,
Aratrum iustitiae,
Contempsisti saeculum,
Sancte Benedicte.
Ad Matutinum.
Invitatorum.
Collaetetur ecclesia,
Benedicto congaudeat
Et dicat:
Suscipe nos in gloria,
Christo regi complaceat,
Ut fiat.
In 1. Nocturno.
Antiphonae.
1. In viam non abiit
Iste peccatorum,
Meditari voluit
Legem mandatorum.
2. Insensati impii
Quare fremuerunt?
Potum mortis filii
Patri tribuerunt.
3. Vitrum fregit famulus,
Domini est salus,
Fuso viro monachus
Hebetatur malus.
Responsoria.
1. Quando pater filiis
Per natum dat pacem,
Orbis actis circulis
Quadringentis decem,
Satanas cum vitiis
Se parat ad necem;
V. Benedictus mittitur,
Novis armis utitur,
Novum portat ensem.
2. Fides firma clipeus,
Caritas lorica,
Lancea spes, balteus
Pietas amica,
Aqua fluit rivulus
Paupertas cupita;
V. Vilem vestit paenulam,
Sacram scripsit regulam
Verba dat mellita.
3. Multitudo militum
Sequitur hunc ducem,
Christum regem agnitum
Atque veram lucem
Profitentur, deditum
Morti super crucem ;
V. Horum vita saeculum
Lucet, mundo poculum
Propinat felicem.
In 2. Nocturno.
Antiphonae.
1. Sanctum suum Dominus
Hunc mirificavit,
Quem in caelo plenius
Cum glorificavit
2. Scuto Dei genitus
Bonae voluntatis
Suae, quo sum agnitus,
Induit me gratis.
3. Ex ore lactantium
Perfecisti laudem,
Ut mos est infantium,
Hic non fecit labem.
Responsoria.
1. Ales, dictus merula,
Dum vacaret gratia
Contemplationis,
Nigra volat garrula,
Sed carnalis nuntia
Est temptationis ;
V. Mens perhorret vitia,
Hanc fugat propitia
Virtus passionis.
2. Placidum discipulum
Hinc per Maurum sedulum
Traxit de procella,
In patrem et filium
Propter hoc miraculum
Pia surgunt bella ;
V. Per patris oraculum
Tollitur piaculum,
Dum orat in cella.
In 3. Nocturno.
Antiphonae.
1. Hic vir sine macula
Vixit Deo suo,
Manet nunc in gloria
Monte sancto tuo.
2. Benedictionibus
Tuis praevenisti
Sanctum, quem in omnibus
Tu benedixisti.
3. Innocens hic manibus
Atque mundo corde
Nusquam vanitatibus
Se dedit aut sorde.
Responsoria.
1. Pater hic apostoli
Perficit officium
Et prophetae nomen,
Inquire vas olei,
Defensoris filium
Et qui fert flasconem,
V. Feminas ex nobili
Genere, sed clericum
Et regis tironem.
2. Eius pater exitum
Nuntiavit filiis,
Mox correptus febribus
Vitae panem sumit,
Post haec flavit spiritum,
Caeli iunctus liliis
Et supernis civibus
Vitae vitam unit.
V. Post ipsius obitum
Viam stratam palliis,
Nitentem lampadibus
Binus frater cernit.
3. Sanctus hic descenderat.
Videre Scholasticam,
Cum abire voluit,
Illa supplex rogat;
Iam caput levaverat,
Sentit pater pluviam,
Quae tantum invaluit,
Quod manere cogat;
V. Post tres dies penetrat
Caelos soror caelica,
Istud sancto patuit,
Quando Deum orat.
In Laudibus.
Antiphonae.
1. Benedictus petere
Desertum decreverat
Nullo sese noto,
Quem nutrix deserere
Profecto non poterat
Mundo spreto toto.
2. Petit capisterium
Pro purgando tritico
Nutrix a vicina,
Quod incaute positum
Fractum sanat illico
Virtute divina.
3. Hic nutrice inscia
Fugit et incognitus
Mansit annis tribus,
Quem divina gratia
Pavit atque modicus
Hic Iohannis cibus.
4. Sed Christus presbytero
Paranti convivio
In paschali festo
Ait: meo puero
Confecto ieiunio
Cibum istum ferto.
5. Surgit hic sollicite,
Virum fine reperit
Cum difficultate:
Surge, mande, non nunc te
Ieiunare convenit
Hac sollemnitate.
Ad Benedictus.
A. Gaude, felix anima
Benedicti, quoniam
Fusam lucem desuper
Cunctas noctis tenebras
Fugasse vidisti,
Et Germani animam
Ferri ad caelestia
Sororisque, radio
Ante tuos oculos
Mundum conspexisti.
In 2. Vesperis.
Ad Magnificat.
A. Sanctus hic miraculis
Atque vitae radio
Mundo dat splendorem,
Patuit in filiis
Patris gloriatio,
Inde dat honorem
Christo, sed in aliis
In Iesu servitio
Excitat ardorem ;
Benedicte, famulis
Tuis fac in odio
Saeculi amorem,
Dona, quod cum caelicis
Omnibus perpetuo
Cernamus factorem.