70. De sancto Christophoro.

In 1. Vesperis.

Super Psalmos.

A. Excelsum nomen Domini
Laudent pueri cum viris,
Qui caeli iunxit agmini
Christophorum factis miris,
Ut sic prodesset homini
Solvendo a poenis diris.

R. O martyr invictissime,
Dei fultus auxilio,
Christophore sanctissime,
Quique pro Dei filio,
Quem per mare transtulisti,
Tot et tanta sustinuisti,
Martyrii privilegio
Obtine nos gaudentes
Et tua festa colentes
Iunge sanctorum collegio.

V. Ohristophori festo,

Deus, clementer adesto,
Ut tribuas famulis
aeterna gaudia tuis.

Ad Magnificat.

A. Gaude, sponsa nobilis,
Virgo mater ecclesia,
Fecunda tantae sobolis
Harmonia,
In festo gigantei
Obristophori Chananaei
Corporis mole ponderosa,
Ortus ut de spina rosa,
Qui processit ut lilium,
Per mare Dei filium
Qui humeris portavit
Fidemque Christi dilatavit

Constans martyr in agone,
Huius intercessione
Consortes simus coronae.

Ad Matutinum.
Invitatorium.

Regi sanctorum,

quem canit grex angelorum,
In festo Christophori

psallant pia cantica cleri.

In 1. Nocturno.
Antiphonae.

1. Secus magnarum

decursus [plantatus] aqua-
rum
Christophorus gentes

transfert pro Christo pe-
tentes.

2. In virga ferens

hic Christum corpore tre-
mens,
Cepit baptismum
maris timens cataclismum.
3. Voce praedicantis,

signo virgae flori dantis
Milia septena

Deo credunt mente serena.

Responsoria.
1. Christophorus giganteus
Enormis magnitudinis,
Ex genere Chananeus

Exstans et altitudinis
Mirae vultuque terribili,
Supremo fide stabili
Recensuit omnino
Soli servire Domino;

V. Imperatorem

accessit nobiliorem,
Bellicis in rebus
serviens noctibusque diebus.

2. Regem cum attonitum

Christophorus conspiceret,
Et ad nomen diabolicum

Signum crucis conficeret,
Praesumpsit rege daemonem
Maiorem mundi principem,

Daemonis se satellitem

Optans fore et militem ;
V. Ad eremum pergit,

daemonum turbam ubi cer-
nit,
Se cui compegit,

daemoni servire subegit.
3. Daemon fugatur signaculo

Erectae crucis in strata
Quasi confossus iaculo,

Quem mente angustata
Christophorus sequitur,
Et daemonem alloquitur:

Cur invia et indirecta

Discurris et non via recta?
V. Est passus in ligno,

ait, Christus, quisanguinesuo
Me terret, horrescit

mea mens, videre pavescit.

In 2. Nocturno.
Antiphonae.

1. Cum invocaret

sanctus Deum, ut sibi daret
Linguagium rite

Lyciae, datur sibi cite.

2. Viri loquentes

falsum, sanguinem sitientes
Ducunt Christophorum

Dagno vinclis mancipatum.
3. O Deus admirabilis,
Angelis conspicabilis,
Per meritum Christopheri
Fac nos te contueri.

Responsovia.
1. Christophorus postquam ma-
lignum
Spiritum derelinquebat,
Christum regem inclitum
Per orbem quaerebat,
Tandem ad eremitam

Christicolam declinavit,
Qui ei mores et vitam
Fidelium intimavit,
V. Dicens: obsequiis

Dominum placare piis,
Christum adores,

solitos relinque furores.
2. Vir Dei, cum conspiceret

Haec Christophorum negare,
Ut egentes traiceret,

Misit ob Christum ad mare,
Confoederabis Dominum,

Dicens, per hoc obsequium,
Ne multitudo hominum
Mergatur per diluvium.
V. Christophorus citius

transvadens flumen ad litus,
Transtulit egentes

pro Christi laude petentes.
3. Quadam die dormitante
Beato in aedicula,
Voce ter sibi clamante
Ad fluminis pericula:
Christophore ! veniens

Frequenter repedavit
Et pusillum reperiens
Puerum transportavit ;
V. Christophori mundans

scapulas rex pressit ad
undas.
Christus baptismum

donans simul et catechis-
mum.

In 3. Nocturno.
Antiphonae.
1. In Domino confidens,
Dagni crudelia ridens,
Carcere artatur

ferroque cippo probatur.

2. Sic milites isti

bis ducenti, quia Christi
Nomen non deserunt,
pro te supplicia ferunt.
3. Per te virtutem

sunt et secutae salutem
Per bravia bina

Nicaea cum Aquilina.

Responsoria.

1. Christopborus etiam plurimum

Coeperat admirari,
Per puerum tam minimum

Se nimis praegravari,
Cui puer in humeris

Respondens ait isti:
Mundi Deum et aetheris

Super te habuisti;
V. Dans inter signum:

terrae baculi fige lignum ;
Cum fructibus flores

mox crescunt uberiores.
2. Christophorus in Cilicia

Samonque civitate
Deo fudit supplicia

Vota credulitate
Pro intellegentia

Et effabilitate
Linguae, quam providentia

Dei sapit benigne.
V. Voce praedicantis,

signo virgae flori dantis
Milia septena

vota dant Christo mente
serena.

In Laudibus.
Antiphonae.

1. Christophorus vinctus

et ferro carcere cinctus,
Virus ut austerum

luxum sprevit mulierum.

2. Dagni clientes

virgis sanctum ferientes
Deficiunt lassi,

magis cruciamina passi.

3. Ex ferreis massis

infertur ignea cassis
Christophoro, vere

cui vis nequit ulla nocere.

4. Scamno ligatus,

ferreo piceque flammatus
Mansit et illaesus,

respuens ardoris ambesus.
5. Stipite constrictus

sagittarum pertulit ictus
Et stetit intactus

victor in certamine factus.

Ad Benedictus.
A. Rex Dagnus elatus,

sagitta monoculatus,
Sanguine sanatur,

cumChristophorus decollatur,
Accipiens fidem

Christi, quampraedicatidem,
Exsequias sancti

coluit cum populo tanti
Benedicendo

Dominum gratias et agendo.

In 2. Vesperis.
Ad Magnificat.

A. Ave, sancte egregie

Christi martyr Christopliore,
Ave, nunc caelestis aulae

miles invicte,
Quem Chananaeorum

urbs genuit,
Berona nostra

patronum promeruit,
Ora pro populo salutem,
Cunctis et pacem
Et vitam poscens sempiternam.