59. De sancto Bonaventura.

In 1. Vesperis.

Super Psalmos.
1. Bona, Iesu, cum ventura
Illustra corda obscura

Seraphico doctore,
Ecclesiam quam compserat
Crucemque tuam prompser:
Virgineo ductore.
2. Regi Iesu conclavatur,
Fructus crucis proclamatur

Floret sub Gregorio,
Quem Sixtus, vir Cherubici
Hic decoravit caelitus
Coetus consistorio.
3. Arbor crucis fructifera
Hunc Iesum et puerpera
Attraxit in languorem,
Dum gustat eius corticem
Serapbicumque verticem,
Sentit vitae dulcorem.
4. Necis faucibus subreptus,
Francisci voto ereptus

Puerili in flore
Scandit sua vestigia,
Crucis Iesu fastigia,
Pullulat in decore.
5. Bone Iesu ac venture,
Hora mortis tibi curae
Sit tui sancti prece,
Nostra delicta abluas
Ac errorem ut abimas,
Soluti truci nece.

Ad Magnificat.
A. O lumen siderum,
Cardines poli,
Fervideque Seraph !
Solium celsi
Scandis, ab alto
Conditor latens
Cum te retrahis ;
Specie culta
Miro portento
Reficis, ob id
Maestos solare

Corda praecinctos,
Vitia tunde,
Ac nefas desit
Gloriae inanis.

Ad Matutinum.
Invitatorium.

Christo, aeterno filio,

Confiteamur ore,
Qui praecandidum lilio

Bonaventuram madet rore.

In 1. Nocturno.
Antiphonae.

1. Trina emanet solio
Corona laureatus,
Luce, ture et pallio
Libat Christum beatus.
2. Divitis Christi pauperes
Imbuit more gentes,
Ne luxu sint degeneres,
Effrenas terens mentes.
3. Christum amictus culmine
Alte rexit elisos
Quosque caelico numine
Mitis pavit submersos.

Responsoria.

1. Lugdunum lucis splendore

Perlustrans mundi oras,
Redolens mellico flore

Aridos fetu roras,
Seraphico in doctore

Spineta tundens foras ;
V. In horto frondis decore,
Exuberanti liquore

Delectemur per horas.
2. Sertis spirat virentibus

Crucis saeptis stipite
Frondibus subcrescentibus,

Viridi de caespite
Condit salvam torpentibus

Falce cum ancipite;

V. Suggerit ob id mentibus
Stiparique merentibus
Malo praecipite.
3. Miranda luce praeventus,
Cruce Iesu perculsus
Dulcesque promit concentus,

Voce gracili pulsus,
Sex Seraph alis intentus
Contemplatur avulsus,
V. Hic deliciarum contentus
In horto stillat mulsus.

In 2. Nocturno.
Antiphonae.

1. Hunc Parisius insignis
Alto elevat throno,
Quem Iesus ardore ignis
Caelesti ditat dono.
2. Divi Francisci ordinem
Ter quinis tribus rexit,
Natos per mundi cardinem
Ad ardua provexit.
3. Ut flos eius eloquium
Fraglanti fiat odore,
Nemo eius fastigium
Lingua scandit nec ore.

Responsoria.
1. Principe mundi sublato
Coetus procerum rimari
Coepit, quem caelitus grato

Culmine sublimari,
Id sancti velit spectato
Praesagio protestari,
Quem eligat preces nato
Fundat mitra ornari,
V. Qui virtute adornato
Gregorio dat lustrato
Fidem et infulari.

2. Felicem hi per saecula
Quem genuere parentes,
Talem et laude dignum
Natum orbis pericula
Arcentem, quem sacrae
mentes
Efferunt et benignum,

V. Pandit dulcia pocula

Reficiens hic egentes,
Crucis ostendens signum.
3. Regio nectaris unda

Quae fluxit pura de monte
Claris patuit rivulis,
Tartarorum gentes munda
Balneat ubere fonte
Foedatas sordis vinculis ;
V. O Iesu, morte fecunda

Nos lava gutta in fonte,
Quos emisti iaculis.

In 3. Nocturno.
Antiphonae.

1. Immensa Christi bonitas
Hunc effecit mirabilem,
Cuius virtus divinitas
Cunctis dat amabilem.

2. Mutos, caecos, morbidos,
Claudos, languentes solo,
Defunctos vitae, aridos
Et obsessos reddit polo.
3. Tristis parens cum clamore
Abortum plorat natum,
Cui sanctus in maerore
Vivum reddit sanatum.

Responsoria.

1. Doctrina clarescit hierarchia,
Iesu duce cruce monarchia,
Seraphica, pura, cherubica
Mente secutus est monastica ;

V. Bonaventura, futura
Pelle obscura et dura.

2. Invictae fama virtutis

Aures subrigit et ora,
Sanant ac vires salutis,

Diffundit decora,
Contagione pollutis

Fert medelam absque mora ;
V. Versa in cinerem cutis,

Lingua, rubens ut aurora,
Viva manens opem mutis

Dat in Lugdunorum ora.

In Laudibus.
Antiphonae.
1. Sancti Francisci ordinem,
Eius sacram originem

Splendore collustratus
Ostendit Dei digito
Ac zelo natus licito

Gaudet cruce prostratus.
2. Doctor plebis angelicus,
Fama, vita mirificus,

Laeto corde iubilat,
Iesu amplexans strenua
Pedes flectitat genua
Et fervore rutilat.
3. Urentem sitim depulit,
Dum fontem siti protulit

Sitientis in cruce,
Lacrimanti innititur,
Refocillatus rapitur
In vera Iesu luce.
4. Hominum bic terrestrium
Ad instar a se caelestium

Factas docet naturas
Semper habere fervidas
Mentes, puras et candidas
Iesu propter fixuras.

5. Lauda, lege et aperi

Librum, quem laudant superi,

Iesum esse confixum,
Sermone dulci explicat,
Laudem laudare replicat

Per virginem enixum.

Ad Benedictus.

A. Aurea mundo
Luce respersa,
Balneum felix
Regium, o quam
Nascitur magnus
Ex te Olympo
Doctor edoctus
Nubila pellens,
Tenebris obstans,
Bonaventura,
Sceleris sicque
Duce te nostros
Irritae manent
Semitae pedes
Dirige tute
Viam in pacis,
Pie precamur.