43. De sancta Barliara.

In 1. Vesperis.
Antiphonae.

1. Consona vox menti

sit plausu cuncta regenti,
Caeli praeclaris

cui Barbara iungitur aris.

2. Haec celebris palma,

virgo, se fortior, alma
Vim carnis, fastum

terit orbis, daemonis astum.

3. Virgo, fide plena,

pro Christo, mente serena,
Eius amatore,

patitur, stimulatur amore.

4. Constans multarum

non asperitate minarum
Aut blandimentis

seducitur illa parentis.

5. Virgo coronata,

caeli super astra locata,
Pro nobis grata

Domino da vota parata.

R. Surge, virgo, propera,
Amica Dei, Barbara,
Induta auri cyclade
Sponso tuo te perficias,
Secum ut intres nuptias
Aptato oleo lampade.
V. Funde Domino precatus,
In ruinam noster status
Vergit labe sorditatus.

Ad Magnificat.

A. O pulchra Sion filia,
Dilectus inter milia
De mundi valle misera
Vocat te sponsam, Barbara.
Tua palma, laude plena,
Te sortitur in amoena
Arce caeli siderea
Iungi cum decoris laurea ;
Nostri cui cum sis grata,
Memor prece sis oblata.

Ad Matutinum.
Invitatorium.

Regi Christo convenite
Regnanti sine compare,

Plausu iubilando rite

In festo sanctae Barbarae.

In 1. Nocturno.
Antiphonae.

1. Tua magnificentia,
Domine Deus caeli,
Laudatur sapientia
A Barbara fideli.
2. Caeli Dei iudicia

Custodivit consulta,
Quibus ferens supplicia,
Fit retributio multa.

3. Innocens haec manibus,
Procul ab omni sorde
Declinat ab inanibus
Serviens mundo corde.

Responsoria.

1. Erat quidam satrapa,
Dioscorus idolatra,

Cui Barbara nomine
Nata prudens nascitur,
Cuius ubique pascitur
Fama de pulchritudine.
V. Stola prima clam induta
Fidem Christi est secuta.
2. Frustra parens motus curis
Struit turrim saxis duris

In hanc locando virginem,
Ut ab altis pateat,
Formosa vultu lateat
Praetereuntem neminem;
V. Non ut cupit mens humana,

Sinit Deus fieri vana.
3. Pater turri natam locat,
Absente quo structores vocat,
Prece pulsans hos instantei:
In laudem sanctae trinitatis
Tres fenestras disponatis
Mihi fieri festinanter,
V. Cuius providentia

Vivunt, subsistunt entia.

In 2. Nocturno.

Antiphonae.

1. De thoro pater narrans ei,
Eructavit verbum bonum:
Mihi Christum cordis mei
Elegi sponsum et patronum.

2. Dominus refugium

Fit martyris agone,
Adiutor est auxilium
Dans de tribulatione.
3. In montibus supernis

Locat haec fundamenta,
Dum monitis paternis
Obstat Deo praeventa.

Responsoria.

1. Fenestrarum causam rei,
Dum venit, quaerit, dicunt ei :
Sic tua nata voluit

Uni-trino ad honorem;
Pater motus in furorem
Vehementer doluit,
V. Cultum diis maeret natam

Liquisse Christo desponsatam.
2. Carceris dum in obscuris
Collocatur et laesuris
Diversis est offensa,
Adparet luce comminus
Quam consolatur Dominus
Amoris vice repensa ;
V. Ait: Sponsa, ne timeas,
Tecum sum, ne pereas.
3. Christus veritas ut inquit,
Mundum atque patrem linquit,

Ut eius sit discipula
Ipso digna, caeli cena
Ut fruatur, gaudet poena
Fidelis Dei copula.
V. Crucem tollit et sectatur
Sponsa sponsum, per quem
vocatur.

In 3. Nocturno.

Antiphonae.

1. Cantate Deo carmine,
Qui fecit mirabilia,
Quam assumpsit, in virgine,
Intra caeli sedilia.

2. Afferte Deo gloriam,
Misericordiarum
Ob virginis memoriam
Recordatus est suarum.

3. Adorate angeli Deum,
Cuius haec regnat bonitate,
Laetata est Sion, quae tro-

phaeum
Audivit Barbarae beatae.

Responsoria.

1. De eius sperans amatore
Fugit, ne patre saeviore

Spatha ruat insecuta,
Quam abscondit petra visa,
Cedit, velut sit abscisa,

Huic nutu Dei praestituta.

V. Sic a Deo custoditur

Virgo, quae a patre oditur.

2. Circa pastores quaeritur,
Christus, dam res sic geritur,

Sanctam probat indicio:
In locustas proditoris
Commutatae sunt pastoris
Oves Dei iudicio.

V. In sanctis Dominus collaudatur,
Cum quibus mira operatur.

3. Pugna peracta stadio
Orat martyr sub gladio

Pro his, a quibus veneratur
Palma sui martyrii,
Christus die iudicii

Horum culpae ne memoretur.
V. Spondet vox: Israelita
Vera, veni, sint petita
Tuis vernis exaudita.

In Laudibus.
Antiphonae.

1. Domiuus sedem decoris
Barbarae praeparavit,
Cui bravium laboris
In caelestibus erogavit.
2. Servivit cum laetitia

Christo, per quem velatur,
Dum praesidis saevitia,
Iussa trabi, nudatur.
3. Quem sitivit, apprehendit
Passa pro eius nomine,
Pater perit, cum descendit
De monte, caeli fulmine.

4. Benedicite, opera
Dei, et exsultate,

Flagris illata verbera
Sanat Barbarae beatae.
5. Laudet omnis spiritus

Palmam, qua martyr pro-
perat
Ad Christum, quam interitus
Carnis ab eo non separat.

Ad Benedictus.

A. Agonista pugnatura

Mente virum induit,
Propter Christum pati dura

Amore nihil metuit.
Haec est Iudith animosa,

Perquam morti dux addictus,
Regi placens Hesther formosa ;

Sit Dominus benedictus.

In 2. Vesperis.
Ad Magnificat.

A. Dei claret clementia

In virginali sexu,
Sibi quem in praesentia

Iunxit amoris nexu;
Haec plebs viraginum alma

Caeli post dominatorem
Canit cum passionis palma

Ferens virginitatis florem.
Cui, felix mente Barbara,

Cum prae ceteris sit re-
spectus,
Ipsum precatu supera,

Tibi nil negat dilectus,
Ut mortis hora praedecora

Tua vox est exaudita,
Sine mora solvat lora

Culparum, caeli margarita.