6. De sancta Agatha.

In 1. Vesperis.
Antiphonae.
1. Ad beatae virginis
Festum cum fervore
Procedamus martyris
Huius in honore.

2. Gratia, munditia,

Pneumate quod habuit,
Et virtutum copia

Sancta Dei claruit.
3. Agia sidereum

Intuens decorem

Sine terra terreum
Spreverat amorem.
4. Theo servit iugiter,

Consummate loquitur,

Quintianus acriter

Dum instabat, vincitur.

In 1. Nocturno.

Responsoria.

1. Ordo rei panditur,
Consularis igitur

Rursus praesentatam
Inquirit de genere,
Satagens evincere
Verbis affectatam.
V. Tua quae conditio?
Sermonis auspicio
Dixit ad beatam.
2. His respondet ardua:
Virgo sum ingenua,

Mea stirps testatur,
Sed me servam facio,
Quia Christo servio,

Per quem stemma datur.
V. Summa ingenuitas
Servitutis pietas

Christi comprobatur.

3. Abhinc diis immolare
Iussa, studet profanare

Factum tanti sceleris:
Iovi tuo sis aequalis,
Fiat uxor tua talis,
Qualis dea Veneris ;
V. Haec respondet iudici,
Quam praecepit affici
Poena genae verberis.

In 2. Nocturno.

Antiphonae.

1. Miror, ait consulari,

Si vir prudens diceris,
Quod nos velis imitari,
Cum deos praefeceris.

2. Nam si bonos arbitraris,

In me quare motus mentis ?
Quod si horum exsecraris
Simulacra, mecum sentis.

3. Quintianus subicit:
Cursus verbi sufficit,
Da diis sacrificia
Vel senties supplicia.

4. Ad haec inquit virgo fortis:
Non formido poenam mortis,
Si promittis mihi feras
Christus . . . ......

Per Horas.
Ad Tertiam.

pias

Angelus monstravit,
Qui ad caput corporis
Visus scriptum marmoris
Tabulam locavit.

Ad Sextam.

A. Anni circulus emensus

Dum post mortem fuerat,
Super urbem mons accensus
Incendium vomuerat.

Ad Nonam.

A. Hoc pagani non ferentes
Tumbae velum capiunt,
Quod ad ignem opponentes
Cessantem effugiunt.

In 2. Vesperis.

E. O mens sancta spontanea,
Vasculum honoris Dei,
Per te salvatur patria,
Memorare, quaeso, mei,

V. Constantiae tu specula
Ac turris firmae fidei.