28. De sancta Anna.

In 1. Vesperis.
Super Psalmos.
A. Prima nostrae
salutis gaudia
Sacrosancta

recolat ecclesia,
Sanctae Annae

venerans sollemnia,
Cuius votis

largitur omnia
Christus [esus]

cum eius filia,
Sacrosancta
virgine Maria.

R, Anna trino

mundum matrimonio
Dei nutu

ornans ministerio
Trinae prolis

praesentem ecclesiam
Illustravit

et supernam curiam.

V. Sidus Anna

claram, mirabile,
Sidus pandens
solem iustitiae.

Ad Magnificat.

A. O felix, vere pariens
Caelum trinitatis,
In quo corporaliter
Fons divinitatis
Habitare voluit,
Anna sacratissima,

Nos reos a peccatis
Solvens duc ad patriam
Summae claritatis.

Ad Matutinum.

Invitatovium.
In Christo mirifico

Rege gloriemur,
In Annae vivifico

Fructu iucundemur.

In 1. Nocturno.

Antiphonae.
1. Elevatam super caelos,
sollemnem in gloria,
Annam, vocatam gratiam,
invocemus pro gratia.
2. Caeli Dei gloriam

narrant laetabundam,
Signis dum sanctam Annam
praedicant fecundam.

3. Innocentem manibus
Annae mundo corde
Dat Mariam Dominus,
ut mundet nos a sorde.

Responsoria.
1. Ave, radix

Iesse gratissima,
Anna, Mariae

mater sanctissima,
Nos vivifica,
Nam de te nascitur,
De qua vita oritur.

V. Da terris solatium,
Quae caelis das gaudium
Per Mariam et Iesum,
Eius filium.

2. Felix terra,

quae caelum genuit,
Cui se tota

trinitas incubuit,
In quo Deus

hominem induit,

Dum pati voluit.
V. Ex hoc caelo

micat spes virtutis,
Dona fluunt gratiae

et verae salutis.

3. Arca surgit,

quae urnam suscipit,
In qua verum

manna se condidit,
Quod se nobis

ex ea praebuit,

Vitam restituit ;
V. Pia mater,

cum pia filia
Isto manna

nos dignos praepara.

In 2. Nocturno.

Antiphonae.

1. Speciosum prae filiis,
Iesum Dei filium,
Natum Mariae virginis,
Annae scimus nepotulum.

2. Laetificat

impetus fluminis
Civitatem

superni luminis
Gloriosis

Annae ex meritis.

3, Anna vocata gratia,

Vas plenum gignens gratia,
Per cuius abundantiam
Caeli fruamur gloria.

Eesponsoria.
1. Caritatis

confer insignia
Nobis, Anna,

quae digna gratia
Nuncupans,

da reis veniam,
Rectis corde

praesta laetitiam.
V. Culpae terram

purgasti scoria,
Mira caelos
ornasti gloria.
2. Funde vinum desolatis
Phiala laetitiae,
Ut de regno claritatis
Detur spes fiduciae;
V. Funde preces

pro nobis sedulas
Iesu, qui plus

largitur, quam postulas.
3. Iudith portas Bethuliae
Ingressa cum laetitia,
Fronte trita superbiae

Nos certos de victoria
Sub typo matris gratiae
Reddit et vera gloria ;
V. Haec Ierusalem laetitia
Et sanctorum honorificentia.

In 3. Nocturno.
Antiphonae.

1. Novum canamus

canticum laetitiae,
Per quam deletum est
chirographum tristitiae.

2. Sedentibus in tenebris
lux est iustis orta,
Per Annae nepotulum
clausa mortis porta.
3. Viderunt omnes termini
Dei salutare,
Quod per Annae filiam
venit nos salvare.

Responsoria.
1. Paradisi fons

manans e medio,
Se diffundens

grato diluvio,
Annam signat,
terrae solatium
Et caeli gaudium.
V. Fructus vitae colligimus
Ex his paradisi fluminibus.

2. Largitatis

divinae radiis
Insignitos

tantisque suffragiis,
Iesu bone,

Mariae (et Annae) precibus

Semper nos (pie) protege ;
V. Accedamus

ad thronos gratiae
Dulcis matris

et piae filiae.

3. Anna trino

mundum matrimonio
Dei nutu

ornans ministerio
Trinae prolis

praesentem ecclesiam
Illustravit

et supernam curiam,
V. Sidus Anna

clarum, mirabile,
Sidus pandens

solem clementiae.

In Laudibus.
Antiphonae.

1. Adest festum laetitiae,

quo rex aeternae gloriae
Sanctae Annae meritis
reis dat dona veniae.

2. Anna Deum sitiens
caelum parturivit,
Quo Deus induit hominem,
qui nos ad caelos adcivit.

3. Ad Annam cuncti transeant,
Impleri qui desiderant
De generationibus,
Quae virgo sunt et filius.
4. Stella sole radiat
omnibus in luee,
Mariam Anna dum genuit
orbis in salute.
5. Templum misericordiae
Patens veneremur,
Annam, ut eius gloriae
Semper collaetemur.

Ad Benedictus.

A. Splendor lucis

vitae perpetuae,
Iesu Christe,

summae rex gloriae,

Sanctae Annae

nos salvans precibus
Caeli lactantes

coniunge civibus.

In 2. Vesperis.
Ad Magnificat.

A. O virgula tam florida,

protulisti fructum,
Rosam pudicitiae

conterentem luctum,
Aquam saporis gratiae

propinasti gratis,
Iesum ora nepotulum,

nt nos iungat beatis.