33. In Inventione s. Antonii.

In 1. Vesp eris.
Ad Magnificat.

A. Gaudeat ex toto,

pari se celebret seu voto
Orbis terrarum

tantum claruisse thesaurum,
Per quem languentes

ad eum palam venientes,
Cum sint devoti,

liberantur pondere loti.

Ad Matutinum.
Imitatorium.

Adoremus creatorem,
Antonii qui splendorem
Hodie splendidiorem
Claruit Theophilo.

In 1. Nocturno.

Antiphonae.

1. Exsultemus

omnes in Domino,
Quia praesul

vere Theophilus
A Caesare

missus divinitus

Antonium,

Aegypti nobilem,
Hodie sollemniter
Meruit invenire.
2. Daemones in Sophia,
Constantini filia,

Testabant dicentes,
Quatenus Antonium,
Cultorem egregium,

Sentirent dolentes.
3. Inventionis modernae

Laetetur ecclesia,
Praestet nobis hinc aeternae

Christus vitae gaudia.

Responsoria.
1. Gabriel angelus
Locutus est Caesari
Dicens: In Aegyptum
Mitte Theophylum,
Inquit, pontificem
Cum Fratrum cuneo
Bis sex peritorum,
Ut inquirentes
Locum experiant,
Gloriosus in quo
Pater Antonius
Eremiticam
Duxerit eius vitam;

V. Vult namque Dei filius,

Quaerendus sit Antonius

Ad fugandum daemonia

Septena, quae sunt in Sophia.
2. Cum Aegyptum visitassent

Misso Theophilo

Viri fratres tantique

Thesauri super negotio

Totis laborassent

Viribus innitendo,
V. Tandem cum lacrimis

Orando Dominum

Simul ad eremum

Iter per asperum

Viam arripiunt,

Sicut erat futurum.

3. Sincerus cum eremita
Silvis latitasset ita

Fundans habitaculum,
Plures in quo residentes
Fratres Deo servientes

Evitassent saeculum,
Quorum ex eremi more
Nullo excepto priore

Loquitur vocabulum,
Pontifex cum introisset,
Disciplinam hanc vidisset,

Benedixit Dominum.
V. Viri secum literati
A priore salutati

Sequuntur Theophilum.

In 2. Nocturno.
Antiphonae.

1. Cum binae tumulum ferae

Sancti sine crimine
Foderent, terra replere

Praesul vidit, lumine
Angelos autem gaudere

Super corpus nobile.
2. Adferentes corpus sacrum

Pontifex cum fratribus,
Mirifice decoratum

Angelorum vocibus,

Ad eremum assignatum
Redeunt cum laudibus.

3. Praesul eremi contentus

Suis cum notitia
Tam prioris quam conventus

Claustri sub silentia
Thesauro cum pretioso

Festinant a patria.

Responsoria.

1. O Christicola venerabilis,

Antoni, stirpe nobilis,

Quantam tibi Deus

Contulit gratiam,

Nam ad nominis gloriam

Sacrum et immaculatum

Corpus tuum

Episcopo Theophilo

Signis cum fulgentibus

Hodierna die

Largitus est invenisse.
V. Ecce signa, quae monstrantur

A thesauro nobili:

Mortui resuscitantur
A morte terribili,

Et daemones effugantur
Ad salutem populi.

2. In Aegypti praesul regno

Beatorum corpore
Signum dans more paterno

Campis vel itinere
Sedet a castro remote

Quondam, a quo populus
Daemonum audita voce

Tam servus quam dominus
Exeunt arma gerentes

Ad terrorem hostium ;
V. Daniel male tractatus

Fremens a daemonio,
Sanctum invocans, curatus

Plebis est in medio.

3. Inde castri coram clero
Nuntiat familia,
Lupi quatenus pro vero
Nuper animalia,

Vitulos, capras et oves,

Pueros et omnia
Devorant simul et boves

Intra villae moenia.
V. Sancto tamen imperante

Lupis prosternentibus,
Domino cooperante

Vitam recidit omnibus.

In 3. Nocturno.
Antiphonae.

1. Antonium exclamabant

Voce magna daemones,
In saeculum qui vexabant

Tam fortes quam debiles,
Dicentes: o eremita

Valde venerabilis,
Quare nos comburis ita ?

Parce nobis miseris.
2. Via, qua pertransierunt

Ferentes Antonium,
Mortuos tres invenerunt?

Dcvoratos nimium,
Super quos deposuerunt

Sanctum corpus proprium,
Unde sani reviserunt

Eius per auxilium.
3. Daniel arte ligatus

Daemonum in carcere
Audiens haec, quod beatus

Potens fertur opere,
Currit nimis anxiatus

Sanitatem poscere,
Obviando liberatus

Fit ab omni pondere,

Responsoria.

1. Puer quidam habens patrem,

Effron cuius nomen est,
Infra regni civitatem

Suspendi damnatus est,
Cum autem foras exiret

Ductus ad patibulum,
Invocavit, ne periret,

Sanctum Dei famulum,

V. Cumque iam suspenderetur,

Sancti patris meritis
Puer vivus obtinetur

Cum capillis capitis.
2. Ierusalem cum intrassent

Praesul et discipuli
Navem nec non procurassent

Thesauro tam nobili,
Super mare collocati

Recta navigant via,
Licet forent occupati

Multa per contraria.
V. Gratia tandem divina,

Meritis Antonii,
Ad urbem lapsa ruina

Remigant Constantii.

3. Glorioso patre viso
Constantino praegaviso
De puella, sequitur,
Quod, cum catenis ligata
Membra tangeret beata,
Soluta relinquitur,
V. A malignis liberata
Locumque perosculata
Sapienter loquitur.

In Laudibus.
Antiphonae.

1. Ante trinitatis thronum
Pastorem eremi bonum

Christus hunc instituit,
Cuius sacrum corpus lotum,
A tumulo nunc amotum

Theophilo claruit.
2. Constantinopoliae

Tuae Caesar profuit,
Gaude, cuius filiae

Salutis lux floruit.

3. Modernam inventionem
Sancti patris ad honorem
Sollemniter celebremus,
Ut pro nobis apud Christum
Intercedat regem istum,
Quem frequenter adoremus.

4. O quam decorus et pius
Est beatus Antonius,
Ex odore cuius sacro
Terra fragrans fit in agro.

5. Hic cultor inventus est,
Hymnis honoratus est,
Cum angelis visus est
Hodie, laetemur.

Ad Benedictus.

A. Summi patris in gloria
Iubilemus Antonio,
In hac cuius ecclesia
Celebratur inventio ;

Laetetur ergo patria
Multiplici prae gaudio,

Cunctis ut vitae venia
Sit eius ex officio.

In 2. Vesperis.
Ad Magnificat.

A. Tanti pastoris,

eremitae cordis et oris
Mundus laetetur,

inventio celebretur,
Sed nimio zelo

veneretur corde sereno,
Ut consolamen

praestet Deus populo. Amen.