7. In Translatione s. Agathae.

In 1. Vesperis.

Super Psalmos.

A. Exoptata nitent

sollemnia, vespere claret,

Arridet, rutilat

famosa diecula, ratum

Carminis obsequium

gens exhibet Christicolaruni.

Ad Magnificat.

A. O clemens Agatha,

conscendens gaudia lucis,

Nobis et nostris

adsis, pellatur ut hostis,

Omnes gaudentes

redeant ad patriam gentes.

Ad Matutinum.

Invitato rmm.

Virginis tota

Mater ecclesia

Agathae nota

Colit sollemnia.

In 3. Nocturno.

Antiphonae.

1. Plaude, felix Catania,

Tanta dotata virgine,

Quae spreta nunc Bisantia

Te sua lustrat chlamyde.

2. Tu sacrarum forma virginum,

Vas insignis gratiae,

Iam decorum sponsa thorum

Postulas Cataniae.

3. Suscipit haec felix

post haec Catania dona,

Laeta satis plaudit

tanta venerata patrona.

Responsoria.

1. Felix festum laetabundi

celebremus hodie,

Quando corpus gloriosum

Tantae matris Agathae

Deportatum Dei nutu

Partibus a Graeciae;

V. Ista dies est praecellens

Et plena laetitiae.

2. Magnifieae laudis

Agathae nunc sumite festa,

Plausibus hymnorum

precamina laudis honesta,

V. Sit procul a nobis

vitiorum turba molesta.

3. Navigantes vero viri

Comitante martyre

Et per terras et per mare

Dei freti numine

Cataniam devenerunt

Obsistente nemine,

V. Ubi tuti quieverunt

Et sine formidine.

In 2. Nocturno.

Antiphonae.

1. Haec, si festiva

peragantur laude suorum,

Instruit et nutrit,

defensat culmine morum.

2. Dicant ergo: bona

cuncti mater atque patrona,

Tu fidei verae

custos, famulis miserere.

3. Laudum Deo victimas

omnes iubilemus,

Ut post mundi scopulos

tartara vitemus.

Responsoria.

1. Exsultet Oatania

iam te duce, cui venit a te

Lux, honor et vita,

te poscimus, alma, pudica,

Subvenias, Agatha,

miseris tuosque guberna,

V. Civibus ut superis

iungantur in aede superna.

2. Duo viri fide iuncti,

gente, natalitia,

Nocte sacrum rapuerunt

corpus ab ecclesia

Atque secum detulerunt

omni cum laetitia,

V. Ambo quippe tunc in urbe

commanebant regia.

3. Cum ad urbem ferebatur

Agatha Cataniam,

Praesul, clerus populusque

processerunt obviam,

Temperantes suam multum

provide laetitiam,

V. Sicque summae deitati

referebant gloriam.

In 3. Nocturno,

Antiphonae.

1. Venit mater ad suos filios,

Ut gubernet et conservet eos,

Graecos quidem relinquens or-

phanos,

Quos a fide invenit devios.

2. Laetare, urbs Catania,

Tantae patronae Agatbae,

Huius cole sollemnia,

Nam pro te orat hodie.

3. Ut tua sit nobis

translatio digna salute,

Fac nos, o Sicula,

caelum conscendere tute.

Responsoria.

1. Constantinopolis

tanti fleat anxia solis

Damnum ; tu plaude,

lauda, iubila, cane, gaude,

Plebs, animo laeta,

tanto splendore repleta ;

V. Gaudens exsulta,

tam sacro pignore fulta,

Laetitia multa,

plebs, plena laude resulta.

2. O quam festiva,

praelucida, clara, iucunda,

Illa dies, divam

qua Christus de maris unda

Traxit tunc Agatham

tanta virtute nitentem,

V. Cuius virtute trahit

haec ad caelestia gentem.

3. Gaude, tota

mater ecclesia,

Gaude, laeta

simul Italia,

Sed tu magis

gaude, Catania,

Tantae matris

agens sollemnia,

Magna cuius

ditaris gloria,

Cuius saepe

sentit auxilia

Mundus gaudens

propinans gaudia,

V. Christi semper

lauda praeconia,

Tumba facta

matris eximia.

Ad Laudes.

Antiphonae.

1. Postquam Graecos Agatha

am Tamqu lutum sprevit,

Sibi sponsam hodie

Cataniam induit.

2. Catania iam suscipit

Hanc in devotione,

Quam et ipsa nunc recipit

In iubilatione.

3. Haec in mundo redolens,

Rubens velut rosa,

Terra semper permanens

fuit in aquosa.

4. Profecta, ut promittitur

Et scriptura dicit,

Virgo Graecum deserens

Deum benedicit.

5. Agathae Cataniam

Translatio decorat,

Quae pro suis Dominum

Laudat et implorat.

Ad Benedictus.

A. Adest illustris Agathae

Festum relationis

Graecorum spreto climate,

Scuto defensionis

Transacto mundi tramite

Caelestis mansionis

Nobis beneficium

Impetret et honoris.

In 2. Vesperis.

Ad Magnificat.

A. Gaude, tellus

tota Italiae,

Laeta matris

laudibus Agathae,

Et tu turba

plaude Cataniae,

Tantae facta

capax laetitiae,

Cuius mater

inclita hodie

Cataniam est

relata corpore.