8. De sancta Agnete.

In 1. Vesperis.

R. Florum fasciculus

Fragrans per saecula,
Inundans rivulus

Pigmenti pocula,
In annis teneris

Ardoris facula,
Ave, prae ceteris

Felix iuvencula,
V. Vernans carbunculus

In regni solio,
Amoris titulus

Lucens in atrio.

Ad Magnificat.

A. Speciosa gemmula,
fide subarrhata,

Inter choros virginum

virgo sublimata,
Nuptiis agni

agna copulata
Oscula sentis

iam desiderata.
Per te laborans filia

fuit consolata,
Quae iam cum matre libera

regnas coronata.
Tolle facinora

per precata,
Per te tranquillitas

sit collatal
O benigna, laude digna,
Quam evexit et provexit

Vis amoris.

Ad Completorium.

Ad Nunc dimittis.

A. Chori caelestes, plaudite,
Concinentes occurrite,

Agni sponsa traducitur
Mira praelucens specie,
Luce lustrata gloriae

Regnum lucis ingreditur.

Ad Matutinum.
Imitatorium.

Agnum sponsum collaudemus,
dominorum dominum,

Qui hauc sponsam praeelegit
Agnam, decus virginum.

In Laudibus.

Antiphonae.

1. Congaudentes

Caelorum civibus,
Omnes gentes,

Plaudite manibus,
Insistentes

Agnetis laudibus.
2. Sponsi desiderio

Aestuans languore
Migrat Agnes roseo
Perfusa cruore.
3. Per greges sodalium

Sponsi quaerit thorum,
Carnis tollunt pallium
Custodes murorum.
4. Ad Agnetis tumulum
Noctu excubantes,
Hanc in coetu virginum
Cognoscunt parentes.

5. Congaudete laudibus,
Quia Deo grata
Sum cum istis omnibus
In caelo locata.

Ad Benedictus.

A. Sponsa Sion,

adorna thalamum,

Spiret myrtus,

myrrha, thus, balsamum,
Junge carmen

epithalamium ;
Instruuntur

regales nuptiae,
Agnes agno

nubit munditiae,
Sponsa sponsi

dotatur specie.

Per Horas.

Ad Primam.

A. Ab ortu solis

ad terrae cardines
Sponsam agni

collaudent virgines.

Ad Tertiam.

A. Jam amplexibus

castis adstricta sum
Et corpori eius
sociata sum.

Ad Sextam.

A. Auri regis casti gregis
Preces offer hodie,
Quae iam pascis et quiescis
Lucis in meridie.

Ad Nonam.

A. Opem nobis gratiae,
O martyr, implora,
Quos in cultu vineae
Nona gravat hora.

In 2. Vesperis.
Ad Magnificat.

A. O gemma pudicitiae,

Virginitatis speculum,

O iubar innocentiae,
Puritatis spectaculum,

Duc ad triumphum gloriae
Nos, Agnes, ad agniculum.