12. De sancto Amato.

In 1. Vesperis.

R. O sardonyx candide
Carnalitatis desertione,
Castitatis amplexione,

Rubicunde proximi
Dilectione,
Nominis peroptimi
Voce gloriaris,
V. Amatus es nominatus
Et a cunctis praelaudatus.

Ad Magnificat.

A. Gaudeat plebs orthodoxa
Sine labe, sine noxa
Iucundetur clerus totus
Et nunc Deo sit devotus ;
Amati festalia
Celebret ecclesia,
Concinat cum melodia
Melos clarum, Alleluia.

A d Matutinum.
Invitatorium.

Iubilemus vigiles,
Fortes, senes, debiles,
Et Amatum praesulem
Laudemus et humilem.

In 1. Nocturno.
Antiphonae.

1. Ex nobili stirpe natus
Hic noster praesul Amatus
Deo puer est oblatus
A patre, qui voverat.

2. Agaunensis coenobii
Ad honorem Mauritii
Ducis factus est monacbus
Sub Benedicti regula.

3. Davidicis et aliis
Libris sacris, vigiliis,
Virtutibus eximiis
Puer sacer imbuitur,
Et plus semper perficitur.

Responsoria.

1. Prima sua iuventute
Pollens Amatus virtute
Eremum concupivit,
Montem solus accersivit
Iohannem imitando,
V. Sprevit mundi consortia
Puer sine malitia.

2. Ab abbate requisitus,
Ut cum grege revertatur,
Armis Dei est munitus
Nec credit blanditiis ;

V. Deo servire cupiens
Et iugum leve subiens
Discedere recusavit.

3. Tunc pro victu sibi soli
Ut adquirat viam poli,
Panem cum lympha postulat
In triduo ministrari.
V. Cum his cibis utebatur,
Spiritus iucundabatur.

In 2. Nocturno.
Antiphonae.

1. Cum fatigatum videret
Et quod sudorem praeberet
Nuntius, qui cibum portat,
Compatiendo labori
Atque nuntii sudori
Preces fudit Domino.

2. Ut Moyses sanctus undas
Prece fecit fundi mundas
De petra durissima,
Sic Amati prece pura
De petra percussa dura
Manat aquae copia.

3. Tugurium construitur,
Minor mensura scinditur
Trabs, quae, quando mensura-
tur,
Prece sancti prolongatur.

Responsoria.
1. Saxum quoddam mobile,
Adspectu terribile,
Iussu sancti fit stabile,
Quod ruere iam coeperat;

V. ''A Domino factum est istud
et est mirabile in oculis nostris.''

2. Quadrageno ieiunio
Quo maior sit afflictio,
Sex nucleis utebatur,
Die quaque contentatur,

V. Ieiunando et orando,
Continue laborando
Corpus suum macerabat.
3. Molam quandam revolvebat,
Sic otium repellebat,

Nudis plantis ambulans,
Crucem corde baiulans
Martyr erat voluntate
Et vivens in puritate
Mundum vicit caritate.
V. ''Vincenti dabo edere de ligno
vitae.''

In 3. Nocturno.
Antiphonae.

1. Sedunensis regionis
Vir magnae religionis
Aurum praeses obtulit,
Quod recusavit Amatus
Postea factus praelatus
Et repertum abiecit.

2. Ab abbate Luxovii
Visitatus coenobii
Consolatur humiliter,
Cum quo pergit Luxovium
Ubi claruit nimium
Huius sancti commercium.

3. Loco sacro Deo deserviens
Et praeceptis legis oboediens
Praesul factus Sedunensis
Sit nostri scutum et ensis.

Responsoria.

1. Theodoricus, Francorum
Rex, suasione malorum
Exsilio deputavit
Innocentem praesulem ;
Vir mirae constantiae
Atque magnae prudentiae
Sustinuit viriliter
Iassum factum crudeliter.

V. ''Beati, qui persecutionem pa-
tiuntur propter iustitiam.''

2. Virtutes et prodigia
Fecit multis utilia
Atque multa miracula,
Quae scripta sunt matricula,
Ne pereat memoria.

V. ''Gloriam et honorem imposuisti
super eum.''

3. Dum Amatus regi producitur,
Matris Dei templum pro-
greditur,
Et dum per hunc cappa exui-
tur,
Oratio per ipsum funditur,
Iubar caeli desuper claruit,
Cameracae plus quam sol
micuit,
V. Et sic patuit sanctitas
Primitus abscondita,
Sic claruit civitas
Super montem posita.
4. Aurivillae basilica
Sepultus est mirifice,
Laudes sibi cantantibus
Choris atque fundantibus
Ecclesias multiplices,
In quibus psalmos supplices
Sibi cantant cotidie
Cantu magnae melodiae.
V. Erit eius

sepulcrum gloriosum,
Cuius est opus
Domino gratiosum.

In Laudibus.
Antiphonae.

1. Amatus hic nominatus,

Eremita Deo datus,

Supra caelos est translatus.
2. Signo crucis est munitus,

Inimici pravus ritus

Per ipsum repellitur.

3. Ab obsessis corporibus,

Dum imperat daemonibus,

Ipsos fugat miraculo.
4. Ab angelis visitatur,

Vivens solus comprobatur

Signis mirabilibus.
5. Tanta erat eius potentia,

Quod voce sua sedula

Nullus daemonum ad hunc
accedere

Ausus erat vel ipsum tangere.

Ad Benedictus.
A. O antistes gloriose,
Pastor gregis speciose
Ac in prole generose,
Intercessor esse velis
Pro plebe tibi commissa
Clamante voce emissa.

In 2. Vesperis.
Antipnonae.
1. Arbor decora nobilis
Fructum profert ut utilis,
De quo gaudet Neapolis.
2. Eamus inde protelatur,
In Agauno monachatur,
Flos redolet sociis,

3. Huius floris est Amatus
Granum, Domino donatus,

Monachus, abbas, praelatus
Sedunensis post vocatus.

4. Cuius grani refectio
Fuit doctrinae lectio
Et mira patientia.

5. Aurrvillae gaudeat contio,
Huius sancti fruens solatio,
Per quem crevit ibi devotio.

Ad Magnificat.

A. Dum catena ferrea
Cingit lumbos, carnea
Domatur superbia,
Et exemplis suae vitae
Multos docet et perite
Rexit gregem Dominicum
Iuxta verbum propheticum.