13. De sancto Ambrosio.

In 1. Vesperis.

Antiphonae.

1. Sol aeternae iustitiae

Ante mundi principium

Sanctae matri ecclesiae

Praevidit utilissimum

Doctorem, fertilissimum

Pontificem Ambrosium,

2. Ambrosi, Christi confessor,

Audi rogantes famulos

Et impetratam caelitus

Tu defer indulgentiam.

O sancte Ambrosi,

Sidus aureum,

Domini gratia

Servorum gemitus suscipe

Solita clementia.

3. Arianae perfidiae

Obnubilatae tenebris

Concessit sublime

Lumen ecclesiae

Ambrosii Deus.

4. Apperuit thesauros

Ambrosius in mundo,

Dignetur pro nobis

Rogare filium Dei.

5. Vox infantis insonuit:

Dignus Ambrosius

Hic erit episcopus,

Ad cuius vocis sonitum

Fremens resultat populus.

Ad Magnificat.

A. Lucerna lucet

in templo Domini

Viam praebendo

oranti populo,

Salus confertur

debili homini,

Dum tam excellens

datur ecclesiae

A superno

doctore pontifex,

Mundum praecellens

subdit inopiae

Carnem magnus

virtutum opifex.

Ad Matutinum.

Invitatorium.

Iubilemus Domino

Cordis et vocis iubilo.

Qui beatum Ambrosium

Tulit de mundi nubilo.

In 1. Nocturno.

Antiphonae.

1. Hunc pretiosum thesaurum

In fornace velut aurum

Probans factor universorum

Ad supernum deduxit chorum.

2. Perfidis Arianorum

Sacra evangeliorum

Dicta dum opposuit,

Mox versutia eorum

Velut gens Genioncorum

Absorpta disparuit.

3. In manu huius corona

Fulsit pulchritudinis,

Vitae dum aeternae dona

Propinabat propriis.

Responsoria.

1. Hic vir magnae

in Christo gratiae

In virtutum

effulgens acie

Eligitur

a cunctis pontifex,

Scripturarum

praeclarus opifex,

V. Cur sol fulsit

in templo Domini.

2, Decoratus

hic pontificio,

Plebis Christi

pastor humilior,

Gravi carnem

tractat supplicio,

Se castigans

doctor nobilior ;

V. Hic verus Israelita,

In quo non est dolus.

3. Prudentis huius ex ore

Verba vitae mellis more

Effluebant suavius,

Pontificalis dum curae

Praefectus, sacrae scripturae

Orpheo fudit dulcius

V. Ambrosius, Mediolanus

Electus in pontificem.

In 2. Nocturno.

Antiphonae.

1. Vir effectus tunc robustus

Sectas rupit perversorum,

Castus, humilis et iustus,

Fortis tutor depressorum.

2. Desiderabiliora

Super mel et favum verba

Propinat hic sine mora,

Vitia fugat acerba.

3. A te, Christe, eruditus

Beatus Ambrosius

Est virtute insignitus

Pontifex eximius.

Responsoria.

1. Hic angelus testamenti,

Misero fulcimen flenti

Ob culpas perfidiae,

Extolli debet iucundo

Psalmorum cantu in mundo

Renatus flos bonariae.

V. ''Diligere tua, Iesu Christe,

nos docuit Ambrosius verba.

''2. Clamor plebis

ascendit altior,

In pastorem

dum hic eligitur,

In virtute

cunctis praestantior

Fuit pastor,

qui sic praeficitur.

V. ''Super salutem et omnem pul-

chritudinem dilexit sapientiam.''

3. Corda nunc plebis Domini

Replentur ubertate,

Dum ex ore Ambrosii

Plena suavitate

Verba Christi profluunt,

Quae fideles reficiunt.

V. ''Quam dulcia faucibus meis

eloquia tua, Domine.''

In 3. Nocturno.

Antiphonae.

1. Oleo laetitiae

Et exultationis

Effluxit Ambrosius,

Dum operationis

Sanctae mundo munera

Contulit frequenter

Fide salutifera

Lucendo decenter.

2. Exaltavit Dominus

De plebe tunc electum

Pastorem nihilominus,

Dum praeficit dilectum

Ambrosium ecclesiae

Sanctum Mediolani

Per donum divae gratiae

Cordis in fide sani.

3. Myrrham, guttam et cassiam

Omnem quoque fragrantiam

Excellit, vita incliti

Pontificis Ambrosii,

Cuius verbo Lombardia

Referta plena gratia

Christo cognito Domino

Cultu caret nequissimo.

Responsoria.

1. Recta docens indirecta

Planat verbo Domini,

Dum Arianorum secta

Cedit prece populi,

Pastoris huius praeclari

Nunc mores placebant cari

Ecclesiae catholicae.

V. ''Bonitatem fecisti cum servo

tuo, Domine, secundum ver-

bum tuum.''

2. Fregit hic......

Hostium pertinaciam,

Dum divinae clementiae

Cunctis effudit gratiam,

Mediolani gratissimus

Pastor, pius Ambrosius.

V. Se obtulit vivum sacrificium

'' in odorem suavitatis.

''3. O fons immensae pietatis,

O dos divinae caritatis,

Quam magno fulgens opere,

Dum supernae haereditatis

Serto ornas cum beatis

Sanctum locans Ambrosium,

Doctorem praeclarissimum.

V. Te precamur corde toto,

Choro iunge nos devoto

Beatorum omnium

Per sanctum Ambrosium.

In Laudibus.

Antiphonae.

1. Thesauros absconditos

Ecclesiae aperuit

Ambrosius, dum subditos

De fide Christi docuit.

2. Doctor praeclarissimus

Ut viola redoluit,

Vineam Dei Sabaoth

Virtute dum excoluit.

3. Augustinum pontificem

Ambrosius redarguit

Virtutumque opificem

Fecit, dum undis abluit.

4. Uterque tunc tripudiat:

Cantus proferamus

Christo, qui nos sanctificat,

Nunc te Deum laudamus.

5. Sic vicissim compositum

Hoc resonabat canticum,

Quod nunc mater ecclesia

Frequentat suavissimum.

Ad Benedictus.

A. Deum nunc benedicite

Caelum, terrae et mare,

Hymnumque sibi dicite,

Quod voluit beare

Pastorem electissimum

Carne solutum hodie,

Michael velocissimum,

Caeli quem iunxit gloriae.

In 2. Vesperis.

Ad Magnificat.

A. Ecclesiae catholicae

Fautor et apostolicae,

Ambrosi praeclarissime,

Sume preces cum carmine

Nostras, sidus pontificum,

Speculumque magnificum,

Per te directo tramite

Caelorum ut conscendere

Valeamus sedilia

Per saeculorum saecula.