17. De sanctis Angelis.

In 1. Vesperis.
Super Psalmos.

A. In conspectu angelorum

Psallam tibi, Deus meus,
Et in pravitate moram
Confitebor tibi reus.

Ad Magnificat.

A. Angelica societas

Nobiscum verset vespere,
Caecata stet impietas,
Ne possit nos opprimere.

Ad Matutinum.

Invitatorium.

Trinum Deum et unicum
Vobiscum veneramur,

Dulce decus angelicum,
Ut ipso confruamur.

In Nocturno.

Super Psalmos.

A. Quos in terra minorasti
Paulo minus ab angelis,
Hos in caelo sublimasti
Coaequatos archangelis.

Responsoria.

1. Hic est princeps angelorum,
Michael, victoria
Cuius magna populorum

Praestat beneficia
Et ad regna beatorum
Provehunt suffragia.
V. Te laudamus, fac, precamur,

Recto virtutum tramite.
2. Angelus ad virginem
Gabriel Mariam
Missus fert originem
Salvatoris piam:

Ave, plena gratia,

Dominus est tecum,
Mater es et filia,

Ergo plus quam mecum.
V. Dabit ei Dominus

Sedem patris eius
David, neque terminus

Erit regni eius,
3. Raphael, fer gaudium,

Duc nos, hostes elimina
Et felle paenitentium

Mente caecos illumina,
Semper adsint caelestium

Virtutum nobis agmina.
V. Sancte sanctorum omnium,

Te laudet omnis spiritus.
Tibi damus imperium,

Te nobis da medullitus.

In Laudibus.
Super Psalmos.
A. Te cum angelis laudare,

Fac nos in caelis, Domine,
Et hic digne ministrare
Tibi de tuo lumine.
Ad Benedictus.
A. Angeli, archangeli,
Principatus, potestates,
Virtutes, dominationes,

Throni sancti et Cherubim
Et ardentes Seraphim,
A peccatis nos mundate

Vestro ministerio,
Cuius ope colligate
Nos vestro consortio.

In 2. Vesp eris.
Ad Magnificat.
A. Omnes Deum adorate,
Vos virtutes angelicae,
Quo audito stent laetatae
Nostrae mentes magnifice.