21. De sancta Anna.

In 1. Vesperis.

Antiphonae.

1. Felix orbis, felix hora,

Dum stat inter filias

Anna velut lux decora

Morum dans primitias.

2. Genetrici suae digne

Praeparat palatium,

Annae corpus dum insigne

Creat factor omnium.

3. Quam praeckrum et iucundum

Est Annae corpusculum,

In quo Deus matri mundum

Praestat habitaculum,

4. Ager Annae rosam florum

Protulit et lilium,

Rosa florens, en, decorum

Profert Dei filium.

5. Mediante nobis Anna

Mediatrix nascitur,

Cuius ventre dulce manna

Mundum sanans oritur.

Ad Magnificat.

A. Quam felici, quam beata

Sorte carni copulata

Virginis est anima!

Nam per eam in materna

Membra Deus dat superna

Gaudia permaxima.

Neque verbis explicata

Sciri iam tunc Annae data

Summa consolatio ;

Ut pax Dei nobis detur,

Hoc sublimis operetur

Annae deprecatio.

Ad Matutinum.

Invitatorum.

Mariam, Annam venerantes

Venite iubilemus,

Sanctarum festa celebrantes

Summum sanctum adoremus.

In 1. Nocturno.

Antiphonae.

1. Annae matrimonium

Vera castitate

Prae cunctis mortalium

Praecessit beatae.

2. Florens sanctimonia

Iam gravis aetate,

Plena magna gratia

Ardet caritate.

3. Anna plorat et implorat

Dona sancti spiritus,

Caelum rorat et irrorat

Gratiam divinitus.

Responsoria.

1. Iuste vivens et perfecte

Arsit Annae cor directe

Divinis adfectibus,

Ex hoc fuit praeelecta,

Deo placens et dilecta

Prae cunctis coniugibus.

V. ''Facta est quasi navis insti-

toris de longe portans panem

suum.

''2. Civis missus est supernus,

Annam implet sempiternus

Fructus sapientiae,

Ventris portat in secreto

Dei patris ex decreto

Thesaurum cleinentiae.

V. ''Praeposui illum regnis et se-

dibus et divitias nihil esse

duxi in comparatione illius.

''3. O Maria, maris stella,

Serva, carnis ne procella

Nos mergat in vitiis,

Tuae matris interventu

Angelorum ex concentu

Laelemur et praemiis.

V. ''Tu es mater pulchrae dilec-

tionis et agnitionis et sanctae

spei.''

In 2. Nocturno.

Antiphonae.

1. Felix Anna gustans manna

Divinae dulcedinis

Illustratam parit natam

Summae pulchritudinis.

2. Quam sit cara, quam praeclara

Casta generatio,

Nos informat, mundum ornat

Annae parturitio.

3. Anna prudens et maritus

In omni iustitia

Legis suae servant ritus

Lucentes in gratia.

Responsoria.

1. Hoc honestum atque rectum,

Hoc devotum ac perfectum

Est in matrimoniis,

Castum quod servent amorem,

Quod se iungant in honorem

Divinis servitiis.

V. Castus amor quaerit prolem,

Non carnis lasciviam.

2. Nubentes se iuste tenent,

Si de mundi se refraenent

Caute desideriis,

Ne superba mens prorumpat

Vel acerba pacem rumpat

In suis malitiis.

V. Beatus, qui tenebit et allidet

'' parvulos suos ad petram.

''3. Apud caeli cives erunt

Grati, si non sibi quaerunt,

Sed factori gloriam,

Ut per omnes honoretur,

Qui hoc semper promeretur

Per suam clementiam.

V. ''Benedicite Deum caeli et co-

ram omtiibus confitemini illi.''

In 3. Nocturno.

Antiphonae.

1. Ante Deum Anna patet

Collaudando iugiter,

Hostis timet, miser latet

Ipsa stante fortiter.

2. Offert foris et in templo

Precum sacrificia,

Verbo trahit et exemplo

Ad Dei servitia,

3. Dei ducit ad honores

Plurimos ex populis,

Ut acceptent dignos mores

Pro aeternis saeculis.

Responsoria.

1. Omnes noscens creaturas,

Tam praesentes quam futuras,

Dei praescientia

Non invenit ita gratum

Nec virtutum comprobatum

Par inter coniugia.

V. ''Non est inventus similis illis,

qui conservaret legem excelsi.

''2. Illos Deus, quos praescivit,

Quos dotavit et vestivit

Tanta praecellentia,

Dignos inter omnes gentes

Praeelegit in parentes

Et matris obsequia.

V. ''Elegit eos ex omni carne et

dedit illis cor ad praeccpta et

legem vitae.''

3. O laus grandis Annae matris,

Nam praeclarum Dei patris

Est gazophylacium,

In quo clausit summum aurum

Deitatis et thesaurum,

Thesaurorum optimum.

V, ''Candor est enim lucis atternae

et imago bonitatis illius.''

In Laudibus.

Antiphonae.

1. Anna, virens radix Iesse,

Pullulat utiliter,

Nos virtutum replens messe

Per Mariam dulciter.

2. Annam nuptac reverenter

Extollant praeconiis,

Eas iuvet ut decenter

In suis coniugiis.

3. Annae preces dum exundant

Pro nuptarum venia,

Matres ditant et fecundant

Nutriendi gratia.

4. Annam clerus veneretur

Postulans suffragia,

Ut Mariae per hoc detur

Magna reverentia.

5. Anna, Maria precibus

Clerum et ecclesiam

Confortent, ut in omnibus

Servent continentiam.

Ad Benedictus.

A. Nobis erat hoc necesse,

Quod virendo radix Iesse

Virgam introduceret,

I)c qua virga flos prodiret,

Qui nudatos revcstirct

Et aegros reficeret,

Devictoque mortis felle

Deitatis sacro melle

Nos sursum erigeret;

Hoc, Maria, flos decorus,

Iesus dulcis et saporus

Tua prece conferet.

In 2. Vesperis.

Ad Magnificat.

A. Mundi carnis et daemonis

Astuta ne malitia

Nos conterat in vitiis

Et trahat ad supplicia,

Anna nobis et filia,

Plenae virtutum gratia,

Salvantes a miseria

Grata ferant suffragia.