22. De sancta Anna.

In 1. Vesperis.

Ad Magnificat.

A. O felix Anna,

o sancta, o benedicta,

Quae meruisti

mater esse matris Christi,

Pia Deum exora

Pro nobis et implora,

Ut, qui tua celebrant sollemnia,

Perducantur ad caelestia.

Ad Matutinum.

Invitatorium.

Adoremus

natum summi patris

In honore Annae,

matris suae matris.

In 1. Nocturno.

Antiphonae.

1. Reditus namque suos

in partes dividebant,

Quarum primam

templo offerebant.

2. Peregrinis et egenis

erogabant aliam,

Sibi et familiae

reservabant tertiam.

3. Cum sic annum pervenissent

Usque ad vicesimum

Et prolem nondum habuissent,

Erant in opprobrium.

4. Die quadam encacniorum

Intravit Ioachim sancta sanc-

torum,

Deo ut daret munera

Secundum legis foedera.

5. Isachar dixit ad Ioachim:

Non offeres Deo, etenim

Non fecisti semen in Israel,

Te maledixit Emamiel.

Responsoria.

1. Nazarenus, Annae pater,

Vitae vir egregiae

Fuit, ex Bethlehem mater

Regali progenie.

V. Oportebat illam

digno nasci semine,

Ex qua mundo nasci munda

debebat a crimine.

2. Dum oraret cum singultu

Felix Anna, plena luctu,

Dixit ei angelus:

Noli fiere amplius,

V. Nam exaudita es,

Concipies et paries

Pulchram sanctam filiam,

Vocabis eam Mariam,

3. Preces tuae sunt acceptae

in conspectu Domini,

Non dolebis, sed gaudebis

immunis opprobrii.

V. Cara Deo, Anna

Mundo pium nobis

dabis manna.

In 2. Nocturno.

Antiplionae.

1. Infecundos cum fecundis

mos non erat sistere,

Nisi Deus daret illis

prius prolem gignere.

2. Hoc Ioachim conturbatur

confusus opprobrio,

Quem pontifex protestatur

indignum elogio.

3. Exprobrabat et dicebat

hunc valde praesumere,

Qui fecundis infecundum

sperabat coniungere.

4. Non naturae, sed peccati

ultor exstat Dominus,

Sed uterum cum interdum

obstruit alicuius,

Ad hoc facit, ut per ipsum

reparet in melius.

5. Dilatos diu conceptus

et steriles partus

Dicit doctor vere

meliores esse solere.

6. Ad hoc claudit Dominus

Uterum alicuius,

Ut denuo aperiat

Mirabilius,

Et id, quod datur,

Non esse libidinis,

Sed divini muneris

Cognoscatur.

Responsoria.

1. Ex hoc autem opprobrio

Ioachim pulsus nimio,

Statim intravit eremum,

Ibi ut oraret Dominum ;

V. Pudore suffusus

a templo recessit

Et ad eremum

subito concessit.

2. Cumque fleret in deserto,

Dixit ei angelus:

Ioachim, habe pro certo,

Audivit te Dominus,

V. Ecce, namque uxor tua

Concipiet

Et pariet filiam.

3. Vobis quoque nascituram

Nunc praesago filiam

Dei matrem fore gratam,

Specie pulcherrimam,

V. Vocabitis hanc Mariam,

Gratia mirificam.

4. O regina caelorum,

Mater regis supernorum,

Veni, pia, et adesto

Tuae sanctae matris festo,

Cui hodie

Coetus ecelesiae

Decantat praeconia laudum.

V. In honore tuae matris

Placa iram summi patris,

O manna

Ortum ab Anna.

In 3. Nocturno.

Ad Cantica.

A. Cum Anna audisset,

Quod Ioachim recessisset

Opprobrii obiectu,

Toto mentis affectu

Orando, plorando dixit:

O Domine,

Rex sine fine,

Quae dixi, quid feci,

Ut dicar maledicta?

Fac, ut sim benedicta.

Cui dixit protinus,

Noli fiere, angelus,

Nam exaudita es,

Concipies et paries

Dei matrem et filiam,

Vocabis eam Mariam.

Responsoria.

R. Inclita stirps Iesse

virgam produxit ex se,

De qua flos vernat novo more

miro perfusus odore ;

V. Haee virga dans manna

est, quae processit ab Anna,

Maria, mellis stilla,

flos est ortus ab illa.

In Laudibus.

Antiphonae.

1. In laudibus Annae

studeat natus et pater,

Nam Dei matris

meruit esse mater.

2. Homo, qui in Deo gaudes,

Hanc si tantum collaudes,

Deo eris gratus

Et in fine beatus.

3. Habet privilegium

Mater matris Dei,

Ut det privilegium

Adstantibus ei.

4. In hac enim construitur

Templum sacri spiraminis,

Cella numinis,

Per quam hostis devincitur.

5. Haec est paradisus,

In quo hortus conclusus

Excolitur,

In quo fons signatus,

Maria, fons hortorum,

Recipitur.

Ad Benedictus.

A. O felix Anna,

Quae angelico affatu

Digna fuisti

Et mater matris Domini

Esse meruisti,

Placa regem gloriae,

Natum tuae filiae,

Quam tu pie Iactasti.

In 2. Vesp eris.

Ad Magnificat.

A. O Anna,

Bonorum radix omnium,

O Manna

Dans mundo Terum gaudium,

Caeli admiratorium,

Dei reclinatorium,

Tu es electa civitas,

In qua Dei palatium,

Horti clausi tugurium,

Sola ut intret deitas ;

Quanta sit tibi dignitas,

Nemo posset exprimere,

Nam te possum asserere

Matrem esse matris Dei;

Ergo fac nos gratos ei

Tua prece assidua

Et trahe nos ad ardua.