24. De sancta Anna.

In 1. Vesperis.

Super Psalmos.

A. Quasi stella matutina,
Aurorae praenuntia,

Et sicut rosa in spina
Fulsit Anna eximia,

Quae nobis divina
Det cum prole pia.

R. Celebremus devotissime

Memoriam Annae sanctissimae,
A qua nostra salus est inchoata
Et pax a Deo patre nobis data.

V. Laudemus Dominum,
Salvatorem omnium,
In honore sanctae Annae.

Ad Magnificat.

A. Magnificet Dominum,
Almae virginis filium,
Mundum cor et vox omnium
In devote recolenda
Sanctae Annae memoria.

Ad Matutinum.
Invitatorium.

Devote corde

Christo iubilemus et ore,
Annam qui sanctam

caeli transvexit ad aulam.

In 1. Nocturno.

Antiphonae.

1. Admirabilem Dominum,
Salvatorem omnium,
Collaudemus animo et corde
In memoria sancta Annae.

2. Cuius proles benedictus
Est Dei patris filius,
Pro nobis nasci exsultavit
Et pro nobis ad mortem pro-
peravit.

3. Sancta Anna est benedicta
In semine Abrahae a Deo,
Quia haec est felix generatio,
Quae salutem attulit
Universo mundo.

Responsoria.

1. Fulget beatissima Anna,
Fructu salutis fecundata,
Quae ex sacerdotali inclita
Est prosapia progenita.

V. Hanc in semine Abrahae
Benedixit rex gloriae.

2. Praeclara mater Anna,
Ex stirpe Aaron orta,
Veneranda cunctis emicuit,
Quae matrem Domini genuit

V. Et ut sidus fulgidum
Decoravit saeculum.

3. Tu es, Anna, laudabilis,
Quae precibus atque votis
Prolem a Deo postulatam
Genuisti magnificatam,
V. Per quam mors fugata cedit,
Per quam salus nostra redit.

In 2. Nocturno.
Antiphonae.

X. Audi, filia, et vide

Dolorem nostrae angustiae
Et inclina aures tuas,
Domina, ad preces nostras.
2. In utero

sanctae Annae
Sanxit thronum
suum rex gloriae.
3. Gloriosa de te dicta
Sunt, mater eximia,
Quae sola digna fuisti
Gignere matrem Christi.

Responsoria.

1. Tu es Sara fecunda,
Quae risum et gaudia
Mundo flebili intulisti,
Dum Mariam peperisti,
Stellam maris, matrem Christi,

V. Cuius quippe partus gaudio
Mundum replet et iubilo.

2. O laudandam feminam,
Quae Iudith benedictam
Et decoram specie
Et plenam clementiae,
Salvantem a periculis,
Progenuit populis,

V. Quae casta

Holofernem prostravit
Et Dei

populum liberavit.

3. O beata et gloriosa
Anna, quae divinitus
Per electionem

Lucernam Christo praeparasti,
Dei filio,
Tu propitia

Ipsi nos continua
Prece recommenda,
V. Ut eius propitiatio
Electorum suorum
Nos annumeret consortio.

In 3. Nocturno.
Antiphonae.

1. Exsultet omnis terra,
Quoniam beata Anna
Mariam nobis genuit,
Ex qua Deus natus
Nos salvare venit.

2. Cum Domino

Anna exsultabit,
Et cura eo

sine fine regnabit.

3. Corde et animo pio
Cantemus gloriam Deo,
Qui fecit mirabilia
In Annae matris filia.

Responsoria.

1. Sidus Anna tres lucernas

Erranti mundo intulit,
Dum fecunda mater ternas

Filias claras protulit,
Quarum virgo

Maria dignior
Ut sol stellis

refulget clarior ;
V. Haec mater regis gloriae
Et plena omnis gratiae.

2. Anna conregnat gloriosa,

Inter filias

Ierusalem speciosa,

Quam filiae Sion viderunt

Et beatissimam praedicaverunt,
V. Et reginae eius faciem

Laudaverunt desiderabilem.

3. Decus mundi, felix Anna,
Tu gloria et honore
Coronata es in patria,

Exora assiduis precibus
Tuam memoriam agentibus ;
V. Gaudes namque eam Christo
Et cum benedicta prole
In vestitu deaurato,
Circumdata varietate.

In Laudibus.
Antiphonae.

1. Dominus sanctae Annae
Praeparavit sedem gloriae,
Quam obtinet digna laude
In dierum longitudine.

2. Haec introducta caelestibus
Portis cum hymnis et laudibus
Iuncta est sanctorum coetibus.

3. Labia omnium

Collaudent Dominum,
Quia omnibus gentibus
Sancta Anna,
Terra benedicta,
Dedit fructum suum.

4. Benedicamus Iesum,
Salvatorem omnium,
Ex prole Annae genitum.

5. Anna, Sion filia,

In rege suo exsultavit,
Quam secum in gloria
Super caelos exaltavit.

Ad Benedictus.

A. O lampas mundi, lumen caeli,
Felix Anna, laude digna,
Tu benedicta femina,
Cuius proles omnibus

Nobis Christum genuit,
Qui nos a nostris sordibus

Unda cruoris abluit
Et a cunctis hostibus

Sua morte eruit.

In 2. Vesperis.
Ad Magnificat.

A. Exsulta, Anna, in Iesu pio,
Deique prolis tuae filio,
Cum qua prole magnifica
Pro nobis Christo supplica,
Ut nos purget a sordibus
Et iungat sanctorum coetibus.