25. De sancta Anna.

In 1. Vesperis.

Super Psalmos.

A. Adest iam festum celebre,

Quo mater matris innubae

Percepit vitae gaudia

Et regnat iam cum filia;

Eam laudare condecet,

Ut precibus nos adiuvet.

Ad Magnificat.

A. Felix terra, pariens

caelum trinitatis,

In quo corporaliter

fons divinitatis

Habitare voluit,

reos a peccatis

Solvens duc ad patriam

summae claritatis.

Ad Matutinum.

Invitatorum,

Ad iubilandum Domino

Toto conemur animo,

Qui nostrae matrem dominae

Caeli locavit culmine.

In 1. Nocturno.

Antipbonae.

1, Beatus auctor saeculi

Mundo dignatus compati

Stirpem elegit inclitam

Sumpturus carnis trabeam.

2. O quam felix prosapia,

Quam Deus ante saecula

Praedestinayit operi

Tam sacro, tam mirabili.

3. Beata generatio,

Dei condigna filio,

Tam nobilis progenies

Est praedicanda milies.

Responsoria.

1. Mariae reverentia

Monet devota pectora

Eius matri dulcisonos

Congeminare iubilos,

V. Piae conentur animae

Parenti beatissimae.

2. Laetare, mater inclita,

Fecunda tali filia,

Tu magnas munus gratiae

Testaris ipso nomine.

V. ''Diffusa est gratia in labiis

tuis, propterea benedixit te

Deus.

''3. O quam caris et praeclaris

Arca lignis haec insignis

Est compacta caelitus,

Urnam veram quae gestavit,

In qua partus se locavit

Vitae, Dei filius.

V. O proles pulcherrima,

cella paradisi,

Fructum vitae poscimus

peccatis illisi.

In 2. Nocturno.

Antipbonae.

1. Serviamus Deo nostro

cordis cum laetitia,

Dulcis Annae recolentes

festiva sollemnia,

Cuius prece nobis detur

vita, pax et gloria.

2. Quis ergo nunc de venia

Fiducia carebit,

Cum tam mater quam filia

Rem nominis implebit ?

3. O Anna felix, annue,

Ut festa recolentes

Tuae dulcis memoriae

Te videant gaudentes.

Responsoria.

1. O quam iustum atque pium,

Ut per sollemne studium

In omnibus ecclesiis

Mater canatur virginis.

V. ''Potens in terra erit semen

eius, generatio illius benedice-

tur.

''2. O nomen honorabile

Huius beatae feminae,

Quod evidenter innuit,

Quare Christus advenerit,

V. Quando verbum caro factum

'' est et habitavit in nobis.

''3. Funde vinum desolatis,

Phiala laetitiae,

De qua novae desperatis

Rivus fluit gratiae,

Ut de regno claritatis

Detur spes fiduciae.

V. Liberalis liberali

Preces funde sedulas,

Qui paratus est largiri

Satis, plus quam postulas.

In 3. Nocturno.

Antiphonae.

1. Ex Abrahae progenie

Pontificumque genere,

Ex clara David linea

Prodit haec sacra femina.

2. Haec parit nobis filiam,

Quam replet adhuc positam

Inter materna viscera

Spiritualis gratia.

3. O felix Anna, ditavit

Te Deus dote bona,

Beatam te dicent mulieres,

Quinimmo quique fideles.

Respoasoria.

1. O quantis nitet laudibus,

Quae huius mundi fluctibus

Marinum sidus ingerit,

Quo nauta portum invenit;

V. Hoc sidere naufragium

Devitat omne saeculum.

2. O matris summae genetrix,

Quae tantis fulges meritis

Coram summo Domino,

Pro nobis intercedito,

V. Ut post peccati veniam

Nos transferat ad gloriam.

3. Vere beata femina,

Quae singulari gratia

Cunctarum praeit merita

Matrum excepta filia.

V. Gloria Libani data est ei,

decor Carmeli et Saron.

In Laudibus.

Aatiphonae.

1. Adiunge tibi, domina,

Piae natae suffragia,

Nam ipsis comitantibus

Nihil negabit Dominus.

2. Est Anna venerabilis,

Quae maris stellam parturit,

Cuius foventur lumine

In saeculi caligine.

3. Ut gratiam pro gratia

Obtineat ecclesia,

Cum praepollente filia,

Felix o mater, impetra.

4. Magnifici tu germinis

Mater, implora famulis,

Ut gloriam possideant,

Quam tibi datam iubilant.

5. Partus tui cunabula

Credendum est angelica

Servasse ministeria

Pro summi regis gloria.

Ad Benedictus.

A. Gaude, beata genetrix,

Quae tantum donum accipis,

Ut matres omnes alias

Prolis honore praeeas.

In 2. Vesperis.

Ad Magnificat.

A. Anna, beatae sobolis

Tantique parens germinis,

Quae sublimaris hodie

Regno perennis gloriae,

Sacratis tuis precibus

Caeli nos iunge civibus.