26. De sancta Anna.

In 1. Vesperis.

Super Psalmos.

A. Summa laus sit genitori,

Proli quoque redemptori,

Nobis flamen sit solamen,

Chorus dicat Amen, Amen.

Ad Magnificat.

A. Dulcem Christo melodiam

Digne decantemus

Et suavem symphoniam

Ipsi resonemus

Eiusque benignam

Honorificemus

Genealogiam,

Sed prae cunctis laude dignam

Sublevemus

Annam piam,

Quae nobis formosam,

Generosam, pretiosam

Verni paradisi rosam

Genuit Mariam.

Ad Matutinum.

Invitatorium.

Regi Christo iubilemus

Et devoti exsultemus

Ei, qui hodie suam

Piam coronavit avum.

In 1. Nocturno.

Antiphonae.

1. Admiretur orbis terrarum

Nomen tuum, Domine,

Cum de profundo tenebrarum

Lux surgit Annae nomine.

2. Caeli enarrant gloriam Dei

Et in fines orbis terrae

Personent ei,

Cum de Iuda exoritur

Anna, mater sanctac spei.

3. Haec consurgit

De generatione rectorum

Et nomen eius

In aeternum vivit,

Nec in morte de sorte

Delebitur electorum.

4. Calamus scribae

Velociter scribentis

Exornet huius [gesta], cuius

Gressus pulcherrimi

Quasi filiae principis

In calceamentis.

5. Tabernaculum Dei

Fluminis impetus laetificat,

Dum Anna legi obnoxia

Prole multa fructificat.

6. Magnus noster Dominus

Magnam magnificavit

Et coram cunctis regibus

Eam mirificavit.

Responsovia.

1. Decantemus hac in die

Deo laudes harmoniae,

Cum exsurgit de Iudaea

Norma vitae et idea,

Anna beatissima ;

V. Sume vota, Iesu Christe,

Quae depromit chorus iste

Mente devotissima.

1. Egreditur rosa de spina

De campis Ierichontis,

Cuius odor est ruina

Et pavor Acherontis,

Nos per eam, Christe, salva

Ab igne Phlegetontis ;

V. Iudex ferus dum redibit

Cum caeli senatoribus,

Et hic Iudas interibit

Cum suis fautoribus.

3. Spirans Auster hunc perflavit

Hortum, quem Dei rigavit

Christus sapientia,

Pater dedit incrementum,

Pavent terra, firmamentum,

Et caelorum entia.

V. Florum hortus germinavit

Rosam nec non liliuni,

Rosa quoque generavit

Christum Dei filium.

4. Stirpis Davidicae

Tu nobilissima

Proles,

Tres mundo generas

Soles,

O fecundissima

Mater, te pater

Aeternus omnisque

Caeli concentus

Honorat.

V. Terrigenarum

Te conventus

In valle lacrimarum

Detentus

Implorat.

In 2. Nocturno.

Antiphonae.

1. Benedixisti, Domine,

Terram hanc benedictam,

Quam de legis opprobrio

Eximis maledictam.

2. Fundata est in montibus

Haec mater generosa,

De Iesu bibens fontibus

Haurit tam gratiosa.

3. Exsultabunt Dei filio

Simul cuncta creata,

Cum de mundi exsilio

Transit haec beata.

4. Exsultet terra

Et insulae Iactentur,

Cum haec levatur de pulvere

Ad culmen gloriae,

Hinc angeli Dei iucundentur.

5. Deus in se mirabilis,

Magnus et ineffabilis,

In Abrahae hac filia

Perfecit mirabilia.

6. Felix haec mater

Domini praecepta

Custodiebat et diligebat

Propterea apud eum

Gloriam est adepta.

Resportsoria.

1. Anna, gratia vocaris

Iure, quia talem paris,

Quae solem iustitiae

De se caste generavit,

Vere plenum gratiae,

Qui nos reparavit.

V. Beata, quia gratiarum

Ex te fons emanat,

Hic puteus aquarum,

Saucios qui sanat.

2. Anna dicitur donata,

Cui et donavit

Deus dona grata,

Cum eam dotavit

Vere dote bona,

Ut hic eam gratia

Et in futuro protegat

Grloriae corona.

V. Haec est mater sanctae spei,

Quae pro virtute fidei

Accepit bona de manu Dei,

3. Anna, tu veri Samuelis

Castra regens Israelis

Et excludens Ismaelis

Fallentis astutias,

Fundis preces apud Deum

Et extricas Asmodeum

Et eius versutias.

V. Tu Tobiae pie, pia

Ava, praesto sis in via,

Ut a nobis inimicum

Procul pellas impudicum.

4. Vox ab ore, laus de corde

Resultet et exsultet

Omnis homo fidelis,

Cum ab Israelis

Domo homo

Surgit sanctitatis,

Anna, mater honestatis,

Cuius flores in decore

Puritatis, suavitatis,

Fructus in honore.

V. O mater pulchrae dilectionis,

Ex te fons sanctificationis

Prodit, virgo filia,

Quam exora et implora.

In 3. Nocturno.

Ad Cantica.

A. Florete, flores, quasi lilium

Et fructificate.

Date

Odorem ac Dei filium

Immensis laudibus collaudate,

Qui Annae matris spiritum

In electorum requiem

Et inter vernantes

Paradisi flores hodie

Feliciter transplantavit.

Responsoria.

1. Arca tu novi testamenti,

Fulgens instar firmamenti,

Omni parte auro tecta,

In te regni virga recta

Manet, o virtutum Anna,

Urnam plenam habens manna

Cum tabulis scientiae.

V. Te perfecit architectus,

Dei natus et dilectus

Manu sapientiae.

2. Clave lucens in procella

Iam de Iacob surgit stella,

Cuius iubar mundo clarum

Lumen fundit, hinc rosarum

Flos pulcherrimus procedit,

Cui spiritus insedit

Vere septiformis.

V. Spccular es munditiae,

Cui sol iustitiae

Radios impressit

Imago deiformis.

3. Salve, nobilis virga Iesse,

De qua ortum est praecandeus

Lilium convallium,

Quod generavit

Dei filium,

Qui donavit

Omnibus esse,

V. Odor cuius fragrat

Super unguenta pretiosa,

Favum cum melle distillat

Lingua eius gratiosa.

4. Ego quasi terebinthus,

Habens gloriam ab intus,

Ramos meos dilatavi,

Cum Marias generavi,

Trinos flores honestatis.

Eia, mater castitatis,

Ora primam ex te natam,

Gratam cunctis et praelatam,

Utque gratum ex se natum

Oret, ut regnum beatum

Nobis praestet et conspectum

Summae deitatis;

V. Ora patrem, ut per ducem,

Qui redemit nos per crucem,

Nobis orbis reddat lucem.

In Laudibus.

Super Psalmos.

A. Induta es a Deo

fortitudine

Et praecincta

pulchritudine

Morum,

Unde tibi praeparata

Est sedes gloriae

In requie

Sanctorum.

Ad Benedictus.

A. Benedictus Dominus,

Qui in domo Davidis

Cornu erexit,

Quod in salutem languidis

Et in virtutem pavidis

Ecclesiae direxit,

Cum hanc vere humilem

Misericordiae

Oculis respexit

Ac cum stola gloriae

Palmaque victoriae

Hodie caelis invexit.

Per Horas.

Ad Primam.

A. Haec cor suum dilatavit

Et ambulavit

In lege Dei,

Ideo ascendit dealbata,

Acsi columba

Esset immaculata.

Ad Tertiam.

A. Multae filiae

congregaverunt

Divitias et delicias

congesserant,

Tu vcro universas

has es supergressa,

Cum hodie regis

cubiculum es ingressa.

Ad Sextam.

A, Super solis

haec radios candidior

Et super stellarum

ordinem lucidior,

Fugatrix tenebrarum.

Ad Nonam.

A. De labore manuum

felix ista manducavit

Et de sua penuria

pauperes ditavit,

Ideo cum angelis

regnum hereditavit.

In 1, Vesperis.

Antiplionae.

1. Adest dies novae lucis,

Quo Annae sanctissimae

Spiritum caelis introducis,

Aeterne rex altissime.

2. Aeterni regis aviam

Cuncti veneremur piam,

Quae nobis speciosam

Paradisi rosam

Genuit Mariam.

3. Mulieris huius fortitudinem

quis investigavit,

Quae furentis Holofernis

caput detruncavit

Et gentis suae populum

ab hoste liberavit.

4. Manum suam pauperibus

sapiens porrexit,

Cuius ab alto munera

altissimus respexit,

Nunc vere bene meritam

ad gloriam provexit.

Ad Magnificat.

A. O oliva corde mitis,

O odorifera vitis,

O ditis

Fons et cisterna viva

Bethlemitis,

Exstingue in nobis

Pestifera

Malae sitis.

O caeli manna, Anna

Fructifera

Et insignis, quae gignis

Visceribus dignis

Fructum benedictum,

Omni bono meliorem,

Natam piam,

Omni rosa rosulentiorem,

Praedulcem Mariam.