31. De sancto Ansgario.

In 1. V esperis.

Ad Magnificat.

A. Ludovicus imperator

Dirigit Ansgarium,

Ut sit Sueis legislator

Docens evangelium ;

Caeli spargit ex thesauro

Veritatis gratiam,

Ex doctrinae profert auro

Fidei constantiam.

Ad Matutinum.

Imitatorium.

Summo regi supernorum

Iubilemus pariter,

Eius laudes et sanctorum

Psallentes sollemniter.

In 1. Nocturno.

Antiplionac.

1. In aetate iuventutis

Crevit cum Ansgario

Decus morum, lux virtutis,

Dei benedictio.

2. Factus frater monachorum

Per virtutes floruit,

Ad conventum supernorum

Se totum disposuit.

3. Primo Danis, tandem Sueis

Fidem Christi praedicat,

Nec formidat, quod heae saevis

Gens se factis implicat.

Responsoria.

1. Ludo vico preces ferunt

Legati de Suecia

Et doctores sibi quaerunt

Praedicandi gratia,

V. Doctor mitis, Dei vitis,

Adfertur Ansgarius.

2. Profert verbum vox divina

Radiando caelitus,

Quod procedat in doctrina

Et virtute spiritus ;

V. Praevenisti eum, Domine, in

'' benedictionibus dulcedinis.

''3. Tribulatus ex labore

Bircliam tandem attigit,

Quem rex Bero cum honore

Reverenter colligit.

V. ''Deduxisti eum, Domine, in

via tua et ingressus est in

veritate tua, Domine.''

In 2. Nocturno.

Antiphonae.

1. Pro paganis convertendis

Fervida oratio

Cor accendit et extendit

In doctrinae studio.

2. Monstrat sursum inspirando

Dei revelatio,

Quod procedet germinando

Sua praedicatio.

3. Stans in Bircha per doctrinam

Fideles multiplicat,

Offert pravis medicinam

Et Christum magnificat.

Responsoria.

1. Praefectus regis inclitus,

Fidelis Erigarius,

Totus in fide floruit

Miraculisque claruit;

V. Domum suam magnificat

Et templum Deo dedicat.

2. Benigne Bircham respicit

Dans Simonem pontificem,

Qui lapsos fide reficit

Scandens virtutum apicem,

V. Verbis, factis et moribus

Dat fidem infidelibus.

3. Hunc Simonem vi repulit

Pravorum persecutio,

Nitardum morte sustulit

In fidei martyrio ;

V. Vitam duxit feliciter

Hic Nitardus presbyter.

In 3. Nocturno.

Antiphonae.

1. Danis in Sleswik fabricat

Ansgarius ecclesiam,

Fidem Christi fortificat

Rex mitis per potentiam.

2. Illic diversi confluunt

Nationum populi

Et in fide proficiunt,

Deo servire seduli.

3. Hinc sanctus Ripam eligit

Ecclesiamque construit,

Illic fideles colligit

Presbyterosque statuit.

In Laudibus.

Antiphonae.

1. Missam sibi propb etiam

Audit vir angelicus,

Quod det Sueis caeli viam,

Dux fit apostolicus.

2. Ad Sueones iterato

Missis sacerdotibus

Voto semper astat grato

Pro Dei cultoribus.

3. Tam aetate quam labore

Consumptus Ansgarius

Gravi coepit ex languore

Infirmari fortius.

4. Tandem pellis sola restat

Cum nervis et ossibus,

Totus tamen fervens exstat

In divinis laudibus.

5. Ad augendam fidem Christi

Fratres omnes excitat,

Intra fidem gentes sisti

Deo plorans supplicat.

Ad Benedictus.

A. Languidorum multitudo

Suis sanctis precibus

Surgit sana, fortitudo

Daturque debilibus ;

Infirmantes adportantur

Ex diversis partibus,

Omnes Christum confitentur

Restitutis viribus.

In 2. Vesperis.

Ad Magnificat,

A. In extremo terrae sita

Est Sueonum regio,

In pagana sorde trita

Traditur Ansgario,

Per doctrinam quod polita

Fiat habitatio

Christo, qui est lux et vita

Summaque perfectio.