37. De sancta Apollonia,

In 1. Vesp eris.

Antiphonae.

1. Fulget dies laetitiae,

Qua virgo Apollonia

Olympum scandit gloriae,

Nova crepant praeconia.

2, Aether gaudens citharizat,

Promit odas dulcedinis,

Oosmus plaudit, tympanizat

Ad decus huius virginis.

3. Haec est enim, quae nescivit

Thorum in delicti sorde,

Carnis luem, en, sopivit

Insons mente, casta corde.

4. Oleum quippe caritatis

Sua lampade gessit satis,

Quod ubertim effudit gratis

In iuvamen proximatis.

5. Tua nobis patrocinia

Adsint, clemens Apollonia,

Ne hostium victi fraudibus

A tuis cessemus laudibus.

R. Christum laudemus

immensi bravii,

Qui electam

sponsam Apolloniam

Per trophaeum

vectavit martyrii

In sanctorum

triumphantem curiam ;

V. Margaritis vernantibus

Et coronis stellantibus

Ornavit eam mirifice.

Ad Magnificat.

A. O castitatis lilium,

Rosa vernans caritatis,

O virtutis solsequium,

Oliva suavitatis,

Pro tuis funde famulis

Preces supplex verbigenae,

Ut hostis ruptis vinculis

Tibi serviant serene.

In 2. Vesperis.

Antiphonae.

1. Iucundare, Apollonia,

Signorum clara virtutibus,

Agonista Christi praevia,

Tortorum non cedens ictibus.

2. Vicisti mundum huncmalignum,

Vicisti daemonem temptantem,

Cor gerens castum, Deo dignum,

Vicisti carnem petulantem.

3. Nos tua protegant merita

Ab hoste, carne et saeculo,

Culparum deplanent debita,

Omni succurrant periculo.

4. Digna laude, martyr grata,

Alma virgo, expers doli.

Per te via certa, rata

Panditur in arcem poli.

5. Tua prece nos confortare

Dignare, Christi pugil fortis,

Et in virtute roborare,

Ne ruamus agone mortis,

Te iuvante evadamus,

Lapsi per te resurgamus.

R. Gaude, quae in terris posita

Deum in throno maiestatis

Vidisti, puella inclita,

Caelo aperto claritatis ;

Gaude, quia tua passio

Victoriosa, grata

Angelo caelesti nuntio

Tibi exstat praenuntiata;

V. Annulo suo te

Christus subarrhavit,

Et sponsam praecaram

sibi sociavit.

Ad Magnificat.

A. O virgo, germine nobilis

Et morum virtute clara,

Exemplis facta es humilis

Christi ancillula cara,

Te serto immarcessibili

Digne Deus subliraavit

Et mercede infinibili

Electam remuneravit,

Nos tuarum virtute precum

Trabe super sidera tecum.

Alia Antiphona.

Virgo Christi egregia

Pro nobis, Apollonia,

Funde preces ad Dominum,

Ne pro reatu criminum

Vexemur morbo dentium.