40. De sancto Aurelio.

In 1. Vesperis.
Ad Magnificat.
A. O felix consortium:
Beatum Aurelium,

Nataliam gratiosam,
Levitam Georgium,

Cum Felice Liliosam
Perduxit martyrium
Ad requiem gloriosam.

Ad Matutinum.

Invitatorium.

Regem regum omnium
Laudet plebs fidelis,

Iam Christus Aurelium
Coronat in caelis.

In 1. Nocturno.
Antiphonats.

1. Cum fidem nequit

in lucem ponere,
Sanctis se recommendat,
Ut palmae. quam

non cessat quaerere,
Bravium comprehendat.

2. Nataliam Aurelio

Sponsam Deus coniunxit,
Quos specialis unctio
Feliciter perunxit.
3. Hic sanctitatem intimat

Sponsae sacrae secretam,
Vehementius hoc animat
Christi novum athletam.

Responsoria.

1. Adulescens Aurelius,

Dum speciales nuptias
Cogitur celebrare,
Fide succrescens amplius
Speciales divitias
Nititur observare.
V. Natalia perfectius
Opitulatur gratias
Sponsa multiplicare.

2. Iohannis supplicio
Pneumatis incendio

Totus inflammatus,
Fervens pro martyrio
Se fortem in proelio
Fore perhortatur;
V. Sub petrae praesidio
Facto domicilio
Poenas aspernatur.
3. O quanta discretio
Piaque devotio,

Lectus adornatus
Splendet in propatulo,
Ilaesit in periculo
Latens caelibatus.
V. In laterum lectulo
Christus adest clanculo
Visere dignatus.

In 2. Nocturno.

Antiplionae.

1. Precibus, ieiuniis

Carnem reprimentes
Divinis eloquiis

Pias pascunt mentes.

2. Sanctorum ecclesias
Saepe visitabant,
Pauperum inedias
Pie relevabant.

3. Morte et sacram filiam
Sponsa vidit migrantem,
Post palmae suae nuntiam
Vidit Deo regnantem.

Responsoria.

1. Mire sponsi fructificat
Vita proficientis,
Se suaque communicat
In carcere detentis,
Cum quibus se mortificat
Compassione mentis ;
V. Hunc sibi fructum vendicat
Fervor sponsae prudentis.

2. Concupit Natalia

Caeli hierarchiam,
Concernit in gloria

Floram et Mariam,
Docentes ad gloriam
Martyrii viam.
V. Servans Rachel lilia
Sequitur Natalia,
Fructuosa Liam.

3. Spreta mundi specie
Pro thesauro gloriae

Cuncta sua vendunt,
Laeti de paupcrie
Pro caelesti requie,

Quod habent, impendunt.
V. Coram Christi facie
Per portam angustiae
Venire contendunt.

In 3. Nocturno,
Antiphonae.

1. Quorum vita moribus
Sacris enitebat,
His Deus splendoribus
Novis adparebat.
2. Illustrati caelitus

Sic mente fervebant,
Quod maerore spiritus
In carne vivebant.
3. Tot pleni virtutibus
Existentes tuti,
Carebant a fraudibus
Daemonis versuti.

Responsoria.

1. Passionis socius
Futurus, Georgius,

Sanctus coenobita,
Venit ad Aurelium,
Congaudet hospitium
In sancto levita.
V, Ut praedixit visio
De sancto Georgio,
Completum est ita.
2. Statim viso Georgio

Sancta clamat Natalia:
Consors est hic coronae,
Quam nobis absque dubio
Divina providentia
Paravit in agone.
V. Iam spiritus iudicia

Cognovit baec, quae praevia
Viderat visione.
3. O digne memoria,
Glorians in patria

Praedulcis Aureli,
Cum pia Natalia
Te fecit par gratia
Coheredem caeli.
V. Praesentem familiam
Post mundi miseriam
Iungas Israeli.

Ad Laudes.
Antiphonae.
1. Caritatis fervidae
Robore muniti
Profitentur lucide
Fidem requisiti.
2. Domum seu convivium
Mortem reputantes
Currunt ad iudicium
Pro Christo laetantes

3. In iudicis praesentia,

Quidquid floret profanum,
Pro fidei constantia
Id dicunt esse vanum.
4. Quinque dierum spatio
Passionem dilatabant,
Seram putabant gaudio
Gloriae, quam sperabant.
5. Scalam caelos attingere,
Vidit alter illorum,
Qua debebant ascendere
Super alta caelorum.

Ad Benedictus.
A. Aureli, vir egregie,

Qui cum sancta Natalia
Georgium victoriae
Felicemque cum socia
Consortem habuisti,
Roga patrem clementiae,

Quatenus data venia
Glorificata facie

Perfruamur in patria
Domini Iesu Christi.

In 2. Vesperis.

Ad Magnificat.

A. Sacer Aureli, vas aureum,
Fac, quod emisti sanguine,
Commune nobis aurum,
Quo comparemus . . . .
Viventes sine crimine
Sempiternum thesaurum.