Congregatio de Causis Sanctorum 947

edixerunt Servum Dei theologales, cardinales eisque adnexas virtutes heroum

in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, ipse Beatis-

simus Pater vota Congregationis de Causis Sanctorum excipiens rataque

habens, hodierno die declaravit: Constare de virtutibus theologalibus Fide,

Spe et Caritate tum in Deum tum in proximum, necnon de cardinalibus Pru-

dentia, Iustitia, Temperantia et Fortitudine iisque adnexis in gradu heroico

Servi Dei Iacobi Gaglione, Christifidelis Laici Tertii Ordinis Sancti Francisci

Assisiensis, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis A. D. 2009.

e Angelus Amato, S.D.B.

Archiep. tit. Silensis, Praefectus

L. e S.

e Michaël Di Ruberto

Archiep. tit. Biccarensis, a Secretis

CALATAYERONEN.

Beatificationis et canonizationis Servi Dei Innocentii a Calatayeronio (in saec.:

Iosephi Marcinnò) sacerdotis professi ex Ordine Fratrum Minorum Capuccinorum

(1589-1655)

DECRETUM SUPER VIRTUTIBUS

« Ego sum vitis, vos palmites. Qui manet in me, et ego in eo, hic fert

fructum multum, quia sine me nihil potestis facere » (Io 15, 5).

Operatio nostra ex eo profluit quod sumus: cum Filio coniuncti filii sumus

et fructus fraternae dilectionis edere possumus. Praecipue in actione aposto-

lica, nostra cum Domino communio decretoria est. Actio vera e contempla-

tione provenit; oritur enim ex corde quod novit ac diligit Dominum.

Hoc quidem exstitit secretum vitae et operositatis Servi Dei Innocentii a

Calatayeronio.