Acta Apostolicae Sedis - Commentarium Officiale968

Ecclesia, Romano Pontifice et sacerdotum sanctificatione. Cum laetitia sem-

per pauperes adiuvit qui ad monasterium veniebant ut stipem quaererent.

Mense Iulio anno 1954 signa tumoris in stomacho cognovit, quae

repente in peius mutaverunt. Serva Dei mirabili firmitudine diligenter se

coniunxit cum Iesu Christo sponso suo et in Domino obdormivit die 14 mense

Octobri anno 1954.

Sanctitatis fama anno 1989 Archiepiscopus Caesaraugustanus, cum a Con-

gregatione de Causis Sanctorum mutationem fori impetravisset quia Serva

Dei in loco Vallisoletano mortua erat, beatificationis et canonizationis Causam

incepit cum Inquisitionis Dioecesanae celebratione, anno 1992 confecta.

Vim iuridicam hoc Dicasterium approbavit Decretum vulgans die 3 men-

sis Februarii anno 1995. Positione confecta, iuxta procedendi modum

consuetum, disceptatum est an Serva Dei in heroico gradu virtutes coluisset.

Cum exitu affirmativo, die 15 mensis Septembris anno 2008, actus est Pecu-

liaris Consultorum Theologorum Congressus.

Cardinales Patres et Episcopi in Ordinaria Sessione die 17 mensis Martii

anno 2009, Ponente Causae Exc.mo Domino Xaverio Echevarrı́a Rodrı́guez,

Episcopo titulari Cilibiensi, edixerunt Servam Dei in gradu heroico theolo-

gales, cardinales adnexasque virtutes excoluisse.

Facta demum de hisce omnibus Summo Pontifici Benedicto XVI per

subscriptum Archiepiscopum Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine iisque adnexis in gradu heroico Servae Dei Teresillae a Iesu

Infante (in saec.: Feliciae Pérez de Iriarte Casado), Monialis Professae Ordinis

Sancti Dominici, in casu et ad effectum de quo agitur.

Mandavit insuper Beatissimus Pater ut praesens decretum publici iuris

fieret atque in acta Congregationis de Causis Sanctorum referretur.

Datum Romae, die 3 mensis Aprilis A. D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis