Acta Apostolicae Sedis - Commentarium Officiale950

Martanaënsis, unanimiter edixerunt Servum Dei in theologalibus, cardinali-

bus eisque adnexis virtutibus exercendis, heroicitatis fastigium attigisse.

Facta demum de hisce omnibus rebus Summo Pontifici Benedicto XVI

accurata relatione, ipse Beatissimus Pater vota Congregationis de Causis

Sanctorum excepit rataque habuit; et hodie declarat Servum Dei Innocentium

a Calatayeronio (in saec.: Iosephum Marcinnò), Sacerdotem professum ex

Ordine Fratrum Minorum Capuccinorum, theologales Fidei, Spei et Caritatis

virtutes tum in Deum tum in proximum, necnon cardinales Prudentiae,

Iustitiae, Fortitudinis et Temperantiae virtutes eisque adnexas heroico in gradu

exercuisse.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis A. D. 2009.

e Angelus Amato, S.D.B.

Archiep. tit. Silensis, Praefectus

L. e S.

e Michaël Di Ruberto

Archiep. tit. Biccarensis, a Secretis

ROMANA et CUERNAVACEN.

Beatificationis et canonizationis Servae Dei Mariae Agnetis-Teresiae a Sanctissimo

Sacramento (in saec.: Emmanuelae a Iesu Arias Espinosa) fundatricis Congrega-

tionum Sororum Missionariarum Clarissarum a Ss.mo Sacramento et Missionario-

rum a Christo pro Universa Ecclesia (1904-1981)

DECRETUM SUPER VIRTUTIBUS

« Oportet Illum regnare » (1 Cor 15, 25). Hanc Sancti Pauli sententiam

tamquam signum propriae vitae Maria Agnes-Teresia a Sanctissimo Sacra-

mento secuta est. Serva Dei, quinta ex octo filiis, in vico Ixtlano ad Flumen

in dicione Nayaritensi in Mexico die 7 mensis Iulii anno 1904 nata est et,

biduo post, ad fontem baptismalem ducta. Firma ac nava fide parentes eius,

vere christifideles, filios suos omnes informaverunt.