Congregatio de Causis Sanctorum 955

Benefica haec sollertia non modo laudem ac sustentationem Ecclesiae

adepta est, sed etiam vero plausum recognitionemque civilium auctoritatum,

quae illo tempore rationem quandam regiminis ipsi catholicorum presentiae

ac sociali industriae infensam adhibebant.

Verum sacerdotis exemplar, Ioannes Evangelista Wagner plurima a Do-

mino ipsi commissa talenta exuberare valuit, miro in compendio alacrem

sedulitatem suam cum profunditate vitae interioris, humilitatis evangelicae

substantia, magno institutionis incepto, firma suipsius austeritate et eximia

humanitate erga fratres coniungens. «Deus, Deus unus; Deus unus et Deus

omnia » dictitabat: et vere huius voluntatis Dei et communionis cum eo

investigatio, quae totum rexit iter vitae eius, cum cotidianis adiunctis sum-

mopere conserta est.

Licet aetatis iam provectae esset, Servus Dei officia sua laete ac perseve-

ranter prosecutus est. Mense Iunio anno 1885, autem, infirmitas quaedam

cruris lecto eum afflixit et, die 15 insequentis mensis Augusti, adeo saevo in

cerebro sanguinis ictu correptus est, ut ipsa mansio eius in vita periclitaretur.

E periculo feliciter evasit, non autem e paralysi: exinde, enim, aegroti gestus

sicut et ipsum verbum eius magis magisque praepediebantur, ut assidua

paene ope egeret. Verumtamen, si quando usus esset, promptum semper ad

sacramentum Reconciliationis ministrandum se ostendit et Tertium

Ordinem Sancti Francisci ingrediens, in quo paucis diebus ante mortem vota

emisit, cursum suum spiritualem consummavit.

Die 10 mensis Octobris anno 1886, novum post ictum, lenimine sacramen-

torum recepto, Dilingae pie occubuit.

Ob sanctitatis famam, a die 9 mensis Martii anno 2000 usque ad diem 3

mensis Maii anno 2004 apud Curiam Augustanam Vindelicorum Inquisitio

dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 10 mensis Iunii anno 2005 probatae sunt.

Positione confecta, iuxta suetum morem, die 16 mensis Ianuarii anno 2007,

Congressus Peculiaris Consultorum Historicorum secunde habitus est ac dein,

die 3 mensis Octobris anno 2008, in Congressu Peculiari Consultorum Theo-

logorum prospero cum exitu disceptatum est an Servus Dei more heroum

virtutes christianas exercuisset. Patres Cardinales et Episcopi in Sessione

Ordinaria diei 3 mensis Februarii anno 2009, audita relatione Excellentissimi

ac Reverendissimi Domini Salvatoris Fisichella, Rectoris Magnifici Pontifi-

ciae Universitatis Lateranensis, Causae Ponentis, professi sunt Servum Dei

virtutes theologales, cardinales iisque adnexas in modum heroum coluisse.