Congregatio de Causis Sanctorum 945

CASERTANA seu NEAPOLITANA

Beatificationis et canonizationis Servi Dei Iacobi Gaglione Christifidelis laici Tertii

Ordinis Sancti Francisci Assisiensis (1896-1962)

DECRETUM SUPER VIRTUTIBUS

« Per hanc crucem tuam, qua pro viribus fis particeps Crucis Divini Sal-

vatoris, copiosae descendent gratiae super alios dolentes ».

His verbis Summus Pontifex Pius XII per litteras a se ipso subsignatas

die 3 mensis Novembris anno 1944 ad Servum Dei Iacobum Gaglione mentem

revertebat, ut eum confirmaret in speciali vocatione amoris et doloris quibus

Christus Dominus secum sociabat eum. Servus Dei, munificus apostolus tri-

bulationis, natus erat in Casertano oppido v. Marcianise die 20 mensis Iulii

anno 1896, e praeclara familia, ex qua optimam recepit humanam et

christianam institutionem. Octo annos natus primo accessit ad sacrum

convivium et sexdecim annos agens sacramento chrismatis est insignitus.

Interea Casertae elementariam loci scholam et gymnasium frequentavit.

Anno 1912, dum studiis vacaret ad forensem professionem exercendam,

in eo detecta sunt prima indicia acutae polyarthritis, qui morbus usque

ad mortem perduravit. Etenim, omnibus curationibus incassum adhibitis,

morbus inclementer increbruit, artuum afferens paralysim, manibus et oculis

exceptis. Servus Dei, qui sicut ceteri iuvenes suae aetatis ferventer vivere

cupiebat, suum vertit animum in sanationis prospectum. Deus tamen res

aliter disponebat. Periodus enim incepit crudelibus aerumnis moralibus

signata. Patre vita functo et sponsalibus suis abruptis, condicioni demissi

animi et rebellionis ita succubuit ut in desperationis periculum incideret.

Providus tamen Deus advigilabat ei. Anno 1919, convenit sanctum Pium

a Pietrelcina, ex quo eventu summam percepit pacem, voluntatem paravit ad

admittendum morbum physicum et in eius corde accensa est spes in sancti-

ficationis instrumentum se transformandi. Sic, licet infirmus sed Domini

voluntati omnino deditus, diversum vitae genus gerere inivit. Die 15 mensis

Augusti anno 1921 nomen dedit Tertio Ordini Franciscali, et, unius anni

spatio expleto, professionem emisit, promptus ad Pauperculi Assisiensis se-

quenda vestigia ob plenam scilicet sui exinanitionem ut se Christo crucifixo

conformaret. Spiritu ductus filialis devotionis erga Virginem Mariam, ad