Acta Apostolicae Sedis - Commentarium Officiale974

Facta demum de hisce omnibus Summo Pontifici Benedicto XVI per

subscriptum Archiepiscopum Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Benedictae

Rencurel, Christifidelis Laicae Tertii Ordinis S. Dominici, in casu et ad effectum

de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis A.D. 2009.

e Angelus Amato, S.D.B.

Archiep. tit. Silensis, Praefectus

L. e S.

e Michaël Di Ruberto

Archiep. tit. Biccarensis, a Secretis

BENEVENTANA

Beatificationis et canonizationis Servae Dei Teresiae Manganiello iuvenis saecu-

laris e Tertio Ordine S. Francisci inspiratricis Sororum Franciscalium Immacula-

tinarum (1849-1876)

DECRETUM SUPER VIRTUTIBUS

« Confiteor tibi, Pater, Domine caeli et terrae, quia abscondisti haec a

sapientibus et prudentibus et revelasti ea parvulis. Ita, Pater, quoniam sic

fuit placitum ante te » (Mt 11, 25-26).

Haec Domini Iesu precatio aptissime refertur ad iuvenem Teresiam

Manganiello, pauperem et litteris expertem, filiam familiae ruricolae ex

regione Hirpiniae et Samnii, sapientia divina et Spiritu Domini satis ditatae,

quae lapis angularis putatur Congregationis Sororum Franciscalium quae

Immaculatinae appellantur.