Congregatio de Causis Sanctorum 969

SANCTI SALVATORIS IN BRASILIA

Beatificationis et canonizationis Servae Dei Dulcis Lopes Pontes (in saec.: Mariae

Ritae) Virginis e Congregatione Sororum Missionariarum ab Immaculata Concep-

tione Matris Dei (1914-1992)

DECRETUM SUPER VIRTUTIBUS

« Caritas enim Christi urget nos, aestimantes hoc quoniam, si unus pro

omnibus mortuus est, ergo omnes mortui sunt; et pro omnibus mortuus est,

ut et, qui vivunt, iam non sibi vivant, sed ei, qui pro ipsis mortuus est et

resurrexit » (2 Cor 5, 14-15).

Venerabilis Serva Dei Dulcis Lopes Pontes nata est Soteropoli de Sinu in

Brasilia die 26 mensis Maii anno 1914 et, paucis post mensibus, ad baptisma-

lem fontem ducta nomen Mariae Ritae sumpsit. Firmam humanam et reli-

giosam institutionem ex familia sua satis locupleti ac profundae christianae

pietati innisa recepit, cui vero actuosum caritatis testimonium haud deerat:

pater eius, praesertim, qui medicus erat dentium et magister apud Universi-

tatem Studiorum loci, curas et operam suam nulla expetita mercede egenis

commodabat receptaculumque sua pro pueris pauperrimis pecunia sustenta-

bat. Qua eadem derelictorum dilectione Serva Dei ipsa, adhuc puella, speciali

modo emicuit.

Patre orbata, novercae amitarumque auxilio Maria Rita educata est et,

vix adulescens, vocationem ad vitam religiosam animadvertit. Iuvenilis ae-

tatis causa, vero, consilii patris memor, studia superiora non intermisit. In-

terdum, autem, Tertio Ordini Sancti Francisci se sociavit, cuius participatio

adeo eam commovit penitus, ut semper Pauperculi Asisiensis spiritualitas

vitae eius, quam super semitas paupertatis et radicalis Christi imitationis

duxit, adfutura esset. Cursu studiorum consummato, in Congregationem

Sororum Missionariarum ab Immaculata Conceptione Matris Dei admissa

est Christophoropoli de Sergipa, Sororis Dulcis in memoriam matris suae

capiens nomen.

Soteropolim postea redita, primum infirmorum ministrae munus, dein

magistrae suscepit. Cum vero impetus eius missionarius in aulis collegii

exhauriri non posset, iamiam Soror Dulcis incepit omnibus viribus eniti, ut

operariis catechesim institutionemque traderet, eorum immo christianum

humanumque provectum expetens Unionem Sancti Francisci et Cenaculum

Operariorum a Sinu Brasiliensi fundavit.