Acta Apostolicae Sedis - Commentarium Officiale948

Innocentius a Calatayeronio (in saec.: Iosephus Marcinnò) die 24 mensis

Octobris anno 1589 ex nobili et admodum religiosa familia ortum habuit, ex

qua nati sunt novem liberi. Sorore excepta, ceteri omnes sacerdotalem vel

religiosam vitam sunt amplexi; quinimmo eorum pater, post obitum uxoris,

presbyter est consecratus. Inde ab infantia valida ditatus est formatione

apud familiam et apud collegium sodalium Societatis Iesu.

Lycealibus expletis studiis, duodeviginti annos agens vitam religiosam

amplecti statuit apud Ordinem Fratrum Minorum Capuccinorum. Postquam

novitiatus periodum absolvit inter annos 1607-1608 in conventu urbis Agyrii,

culturalem et spiritualem formationem perfecit in domibus urbium Bideni et

Syracusarum necnon Melitensi in Insula, ubi anno 1612 sacro presbyteratus

ordine est insignitus. Anno 1615 Romam arcessitus est quo altius studiis sive

theologiae sive linguarum hebraicae et aramaicae se traderet.

In Provinciam redux, apud Syracusas hebraicam linguam docuit;

praeceptor quoque exstitit philosophiae ac theologiae, guardianus et novitio-

rum magister.

Actuositati didacticae pater Innocentius addebat magis specificum et

forsitan sibi magis consentaneum munus contionatoris; etenim quadragesi-

males habuit contiones; praedicavit insuper novendiales supplicationes, tri-

dua, exercitia spiritualia. Praeacuta erat praedicatio Quadraginta Horarum,

in quibus absque intermissione a Sanctissimo Sacramento sollemniter expo-

sito numquam discedebat.

Sancta vita peculiare pondus verbis eius tribuebat: periodo praedicationis

vitam perquam abditam ducebat, immersus in oratione, in meditatione et in

paenitentia. Omni ex parte fideles proveniebant eum audituri.

Postquam saepe servitio functus erat definitoris et Syracusarum minister

provincialis exstiterat annos 1635-1638, qua visitator generalis in Provinciam

Messanensem missus est, ac statim postea Hydrunti ministri provincialis

munus exercuit; ac tali munere auctus Generali interfuit Capitulo, quod Ro-

mae se congregavit die 22 mensis Maii anno 1643, ubi praeter exspectationem

electus est Minister Generalis.

Electio gravia onera secumferebat et indeclinabilia officia, quae inter

praecipuum obtinebat locum onus omnes fratres et cunctas Ordinis Provin-

cias visitandi. Tunc temporis in Ordine numerabantur 22.000 fratrum, qui

distribuebantur in 1397 domus religiosas, pertinentes ad 47 provincias.

Protinus ut electus est Minister Generalis, apud omnes fratres pastoralem

iniit visitationem. Quo ille perveniebat, vir sanctus perveniebat. Tanta erat