Congregatio de Causis Sanctorum 975

Serva Dei in oppido Montefusco, provinciae Abellinensis, archidioecesis

Beneventanae, die 1 mensis Ianuarii anno 1849 nata est; sequenti die

baptismali aqua abluta est apud paroeciale templum loci et, duos aetatis

agens annos, uti mos erat, ibidem sacro chrismate est uncta. Undecima ex

duodecim filiis, inter domesticos parietes crescebat in rurali suae terrae na-

talis ambitu, domesticis et ruricolis operibus iugiter dedita. Puella indubias

dedit testificationes fidelitatis erga baptismum, innocentiae vitae, praecocis

pietatis et humanae maturitatis. Adhuc adulescens, Christi amore seducta

virginitatem promisit et propositionem uxoriam constanter respuit.

Eius cursus piae, simplicis et operosae vitae prorsus mutatus est cum

Pater Ludovicus Acemese a Pietradefusi, recens moderator vicini conventus

Fratrum Capuccinorum oppidi Montefusco, Tertium Ordinem Franciscalem

instituit, cui iuvenis Teresia, duodeviginti annos nata, prima sodalis ex om-

nibus ferventissima adhaesione suum dedit nomen.

Assidua simulque attenta eius participatio instructionum Patris Ludovici

circa naturam et spiritum franciscanum in animo Servae Dei altas egit radi-

ces. Tertii Ordinis induit habitum die 15 mensis Maii anno 1870 et eodem die

sequentis anni vota nuncupavit. Annorum decursu, in quibus exstitit Tertia-

ria professa, summo studio ac fervore necnon perfecta laetitia Tertii Ordinis

spiritum vixit, praesertim spiritum paenitentiae. Etenim variis mortificatio-

nibus et acerbis corporis paenitentiis sponte se subiciebat. Erga eam ob

singularem aestimationem Patris Ludovici, confessarii et moderatoris spiri-

tualis, ipsa creditum sibi munus assumere debuit Magistrae Novitiarum

Tertii Ordinis, et electa est etiam Discreta.

In conventum ingredi cupiebat et promptan sese praebuit ad se cooptan-

dam in communitatem monialium Visitandinarum Sancti Georgii a Samnio

vel inter moniales Elisabethinas, quas condiderat Sanctus Ludovicus a

Casaurea, quo iam ingressa erat eius soror minor; eius tamen parentes, sive

ob summum amorem quo eam prosequebantur, sive ob cumulum munerum

quae intra suam frequentem familiam exsequebatur, eius proposito non

concesserunt.

Pater Ludovicus, spirituales perpendens divitias et sublimes virtutes

Servae Dei, occasionem arripuit et stimulum excogitandi simul cum Teresia

Manganiello, uti prima moderatrice, fundationem novae familiae religiosae.

Hac de causa ab eo Romam missa est, ubi coram est admissa a Summo

Pontifice Pio IX, ex quo super propositam fundationem benedictionem

obtinuit.