Congregatio de Causis Sanctorum 967

CAESARAUGUSTANA

Beatificationis et canonizationis Servae Dei Teresillae a Iesu Infante (in saec.:

Feliciae Pérez de Iriarte Casado) Monialis professae Ordinis Sancti Dominici

(1904-1954)

DECRETUM SUPER VIRTUTIBUS

''Immola Deo sacrificium laudis et redde Altissimo vota tua; et invoca me

in die tribulationis: eruam te, et honorificabis me'' (Ps 50, 14-15).

Serva Dei Teresilla a Iesu Infante (in saec. Felicia Pérez de Iriarte Casado)

laudis officium erga Dominum sua vita fecit, cum indiviso corde Eum amavit

ad maiorem gloriam Eius, animo laeto difficultates aerumnasque superavit.

Haec fidelis Christi sponsa nata est in Hiberia in loco Eslava (Navarra)

die 2 mensis Maii anno 1904 a paupere religiosaque familia. Prima studia in

Collegio ''Crucis Filiarum'' exercuit et etiam catechismi rudimenta accepit.

Perfecta primaria schola, iniit in ''Mariae Filias'' et operam indigentiori-

bus dedit. Assidua erat in sacramentorum acceptione et suam spiritualem

vitam alebat per lectionem meditationemque Sacrarum Scripturarum et

Sanctorum vitarum.

Perventa maturitate vocationis ad consecratam vitam, mense Ianuario

anno 1925 ingressa est in monasterium Monacharum Ordini Sancti Dominici

Darocaniense, vestem induit et accepit nomen Sororis Teresinae a Puero Iesu.

Die 12 mensis Iulii anno 1926 brevem professionem emisit et post circiter

tres annos illam sollemnem. Vocatio et spiritualitas sua firmissimae erant.

Diligenter omnia munera confecit praestanda; erat chori liturgiae

praetereaque aegri ministra, vestiarii adiutrix, procuratrix, Matris Coenobii

Antistitae administra, ianitrix, torni curam habens.

Inter annos 1936-1939 Hispania a furiosa vexatione religiosa perturbata

est, quae minime tetigit monasterium.

Anno 1937 Serva Dei locum adiunctum monasterio pro magis inopibus

instituit et mense Ianuario anno 1953, cum suis consororibus destinata est ad

monasterium Holmedense, ubi Antistita creata est.

Caute iureque communitatis vitae cursum constituit, consororibus senio-

ribus adfuit, ubicumque pacem concordiamque diffudit.

Praeterea maximo studio religiosarum formationem curavit. Ardentem

pietatem erga Sanctissimum Sacramentum et Mariam Virginem alebat,

continuas preces asperasque paenitentias offerebat. Obtulit se hostiam pro