Acta Apostolicae Sedis - Commentarium Officiale972

VAPINCEN.

Beatificationis et canonizationis Servae Dei Benedictae Rencurel Christifidelis

Laicae Tertii Ordinis S. Dominici (1647-1718)

DECRETUM SUPER VIRTUTIBUS

''Caritas patiens est, benigna est caritas, non aemulatur, non agit superbe,

non inflatur, non est ambitiosa, non quaerit, quae sua sunt, non irritatur, non

cogitat malum, non gaudet super iniquitatem, congaudet autem veritati;

omnia suffert, omnia credit, omnia sperat, omnia sustinet. Caritas numquam

excidit'' (1 Cor 13, 4-8).

Magna caritatis virtus, quam apostolus Paulus in Iesu mysterio invenit

velut causam, rationem finemque omnis historiae salutis, summo animi

ardore exercita est a Serva Dei Benedicta Rencurel, quae, in tempore

vehementium socialium intentionum et acrium doctrinalium perturbatio-

num, offerre singulare vitae testimonium amore consumptae scivit. Serva

Dei nata est mense Septembre anno 1647 in loco Saint-Etienne d'Avançon,

regione Vapincensi, in Gallia, ab agricolis humili loco natis.

Alacris puella intellegensque, patre orbata est ad annum aetatis septi-

mum et, ob angustias pecuniae, ad familiam sustinendam, conferre coacta

est finitimorum gregem et beluas pastum: ideo ulla scholastica disciplina frui

non potuit et litterarum ignara semper mansit. Attamen omnino dedita

solitudini et naturae silentio, iuvenis Benedicta in meditatione diuturnum

tempus consumpsit et Rosarii prece, ita ut huic voluntariae consuetudini

et cogitationi gratia adderetur veram fidei peritiam contemplativam

perficiendi.

Mense Maio anno 1664, cum grege in Vallo Des Fours ruris vici Lausensis

esset, Benedicta perspexit in visione Dei Matrem, quae in eius conspectum

venit velut pulchra mulier ridens porrectura manum puero.

Solum in sequenti mira imagine ''la Dame'', ut eam Benedicta denotavit,

commisit ei nomen suum: ''Je suis Dame Marie''. Praeterea Virgo Servae

Dei apparitionis situm ostendit futurum esse locum pro morum peccatorum

mutationibus. Cum haec notitia diffunderetur, fuerunt primae peregrinatio-

nes et postea mirae sanationes corporum et spiritum patratae sunt. Vicarius

Generalis dioecesis Ambruniensis, cuius iurisdictioni subiciebat vicus Laus,

affirmavit omnia veridica esse.