Acta Apostolicae Sedis - Commentarium Officiale946

sanctuaria Mariana Lapurdi, Pompeiarum et Laureti innumeras suscepit

peregrinationes, ad caelestis Matris scholam accedens.

Fervore ductus participandi experientiam gratiae quam Deus per dolorem

ipsi revelaverat, anno 1948 «Apostolatum Doloris » condidit, ut in infirmo-

rum conscientiam penetraret eosque iuvaret ad amplectendas et immo phy-

sicas et morales tribulationes amandas uti donum divinae praedilectionis:

« Ecce nos quoque sumus ad Deo serviendum - ait Iacobus -; participes

sumus heroici exercitus qui cladem non novit. Qui nos vocavit fuit Amor; qui

nos ducit est tantum amor; qui constanter de nobis cogitat est amor ».

Spem aeternae mercedis Iacobus aluit uti perennem fontem talis intimae

laetitiae ut limes ullus ac dolor numquam eam detrahere potuerit. Anima eius

nutriebatur et vim interiorem hauriebat ex constanti oratione, ex assidua

meditatione Sacrae Scripturae, ex lectione vitae Sanctorum, ex recitatione

sive sancti Rosarii sive Horarum canonicarum, ex frequenti ad Sacramenta

accessu quoties poterat.

Suam in domum cuiusque coetus et ordinis personas excipiebat, quae

adibant eum solacium, levamen et consilium petiturae. Cum plurimis infirmis

frequens servavit commercium epistulare, periodicum scriptum condidit,

articulos vulgavit et libros meditationis, ac suavissimas sacras imagines

depinxit.

Consumptus in corpore sed fervens in spiritu, heroicus tertiarius

franciscanus animam suam Domino reddidit die 28 mensis Maii anno 1962,

sex et sexaginta annos natus. Illius exsequiae ritu perquam sollemni sunt

celebratae. Ipse Pater Pius a Pietrelcina, a fidelibus interrogatus, absque

haesitatione ita respondit: « Iacominus insignis sanctus est! ».

Ob diffusam sanctitatis famam quae in dies paulatim crescebat, Episco-

pus Casertanus a die 1 mensis Februarii anno 1968 ad diem 27 mensis Maii

anno 1972 instruxit Causam beatificationis et canonizationis per celebratio-

nem dioecesanae Inquisitionis, cuius iuridicam auctoritatem approbavit

Congregatio de Causis Sanctorum, Decretum vulgans die 17 mensis Decem-

bris anno 1993. Exarata Positione, ut fieri solet, disceptatio peracta est utrum

Servus Dei virtutes heroico in gradu exercuisset. Congressus Peculiaris

Consultorum Theologorum in Sessione habita die 11 mensis Decembris anno

2007, faventem tulit sententiam. Purpurati Patres et Episcopi, in Sessione

Ordinaria die 3 mensis Februarii anno 2009 congregati, audita relatione

Ponentis Causae, Exc.mi D.ni Laurentii Chiarinelli, Episcopi Viterbiensis,