Acta Apostolicae Sedis - Commentarium Officiale958

Mater Teresia, assumpto Moderatricis munere, varia summopere provexit

incepta, sed praesertim, ob modum sese gerendi, de sequelae Christi valoribus

testimonium reddere scivit.

Fulcimina eius vitae spiritualis fuerunt fides ac deditio divinae voluntati.

Humili, laeto ac prompto animo ad actionem gratiae, Teresia intimam alebat

devotionem ad Eucharistiam, quam sive parvis gestibus adorationis sive

diuturnis stationibus coram tabernaculo monstrare consueverat. De hac fide

spes magna exoriebatur, maxime evidens in difficilioribus adiunctis Funda-

tionis. Spes in Deo duxit eam ad lautam familiae vitam absque haesitatione

et ploratu relinquendam, ut serviret pauperibus, in iisdem Domini praesen-

tiam intuendo. Amoris profunditas erga Deum et operae caritatis in proxi-

mum, quas affabili ac reverenti animo exercuit, constantes modi exstiterunt

sese gerendi in eius vita. Serva Dei filialem devotionem nutrivit erga Virgi-

nem Immaculatam et Sanctum Ioseph, tamquam exempla omnimodae Deo

deditionis.

Anno 1953 valetudinis Servae Dei condiciones, quae cordis et intestini

incommodis iam laborabat, ita graviores reddebantur ut in valetudinarium

eam excipi oportuerit. Mater Teresia talem condicionem bene noverat, et ad

omnia iterum iterumve prompta, fortiter ac patienter subiit dolores eam

vexantes, pro parochis sive Peruviae sive totius mundi vitam offerens. Die

24 mensis Augusti anno 1953 ipsa Limana in urbe animam exhalavit. Eius

exsequiis complures interfuerunt sacerdotes et eruditi viri, ac praesertim

ingens multitudo fidelium ex humili condicione et infima plebe, ipsae scilicet

personae quae plus quam ceterae expertae sunt eius amorem.

Sanctitatis propter famam, Limae anno 1980 inde a die 29 mensis Aprilis

ad diem 12 mensis Decembris instructus est Processus Cognitionalis, cuius

iuridicam auctoritatem Congregatio de Causis Sanctorum agnovit per Decre-

tum vulgatum die 9 mensis Octobris anno 1992. Exarata Positione, uti de

more disceptatum est utrum Serva Dei gradu heroico virtutes exercuisset.

Congressus Peculiaris Consultorum Theologorum, positivo cum exitu, habi-

tus est die 21 mensis Novembris anno 2008. Purpurati Patres et Episcopi

in Sessione Ordinaria die 10 mensis Martii anno 2009 congregati, Ponente

Causae, Exc.mo D.no Franco Croci, Archiepiscopo titulo Potentino in Piceno,

edixerunt Servam Dei heroicum in modum theologales, cardinales eisque

adnexas virtutes exsecutam esse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, ipse Beatis-