Congregatio de Causis Sanctorum 961

Em.mo Cardinali Angelo Comastri, Archipresbytero Pontificiae Basilicae

Vaticanae. Et in utroque Coetu, sive Consultorum sive Cardinalium et

Episcoporum, posito dubio an de miraculo divinitus patrato constaret

responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessio-

nem Venerabilis Servae Dei Mariae Petrae De Micheli (in saec.: Iosephae),

ex Instituto Sororum Filiarum Immaculatae Conceptionis Bonaerensium,

videlicet de celeri, perfecta ac constanti sanatione domini Victorii Ianni a

''sofferenza cerebrale in paziente sottoposto a intervento per aneurisma dell'aorta

ascendente - Shock settico - Insufficienza renale acuta - Ipertensione arteriosa

grave - Pregresso ematoma temporale destro - Diabete mellito''.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis A. D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

LINCIEN.

Beatificationis et canonizationis Servi Dei Francisci Iosephi Rudigier Episcopi

Linciensis (1811-1884)

DECRETUM SUPER VIRTUTIBUS

''Pervenio ad sinceram intentionem, vobis esse volo bonus Pastor, inter

vos pro Summo Bono Pastore laborare, pro vobis orare, pro vobis pati,

secundum exemplum eius''.

His verbis dictis in occasione eius initii ministerii Episcopalis in loco

Linciense, Servus Dei Franciscus Iosephus Rudigier firmum propositum