Congregatio de Causis Sanctorum 949

aestimatio quam sibi conciliaverat. « Propter suam famam flagellatus » puta-

batur. « Thaumaturgus terrae » appellabatur ob mirifica signa quae populus

tribuebat illi.

Funesto grassante bello sic dicto « triginta annorum », a Summo Pontifice

Innocentio X annis 1647-1648 missus est, uti humilis filius sancti Francisci

Assisiensis, ad Galliae et Hispaniae cohortibus pacis nuntium afferendum.

Septem per annos quibus servitium praestitit veluti Minister Generalis

vias Europae perlustravit praecipue ad visitandos, confirmandos, admonen-

dos, stimulandos omnes Ordinis fratres.

Expleta periodo Ministri Generalis, in conventum suae terrae natalis,

urbis scilicet Calatayeronii, se recessit, ubi vitam resumpsit humilis fratris

capuccini, nempe abditus, attentus, austerus, paenitens, assiduus ac die noc-

teque promptus ad orationem, atque sollicitus de cura infirmorum.

Piissime obiit die 16 mensis Novembris anno 1655. Nuntius mortis statim

diffusus est, et ilico populi pars concurrit ut supremum vale illi diceret.

Exuviae illius tribus diebus sunt expositae, quae post sollemnes exsequias

Calatayeronii sunt sepultae.

Sanctitatis propter opinionem qua tam vivens quam post mortem frue-

batur, Processiculus, qui dicitur, Ordinarius Syracusanus de vita, virtutibus

et fama sanctitatis incohatus est anno 1659, qui tamen ad finem perductus

non fuit ob obitum iudicis instructoris. Resumpta Causa, Processus Ordina-

rius initus est die 26 mensis Septembris anno 1890 et conclusus est die 30

mensis Octobris anno 1892. Defectus formalis Processus a Sacra Congrega-

tione Rituum sanatus fuit anno 1893.

Die 19 mensis Augusti anno 1902 vulgatum est Decretum super scriptis. A

die 17 mensis Februarii anno 1920 usque ad diem 25 mensis Decembris anno

1922 suppletivus Processus secutus est circa sanctitatis famam in vita et post

mortem in dioecesi Calatayeronensi.

Decretum validitatis Inquisitionis dioecesanae Calatayeronensis a Con-

gregatione de Causis Sanctorum die 14 mensis Februarii anno 1992 editum

est. Die 28 mensis Novembris anno 1995 convenerunt Consultores Historici.

Positio tradita est die 12 mensis Februarii anno 1996. Congressus Peculiaris

Consultorum Theologorum die 20 mensis Iunii anno 2008 de virtutum exer-

citio faventem tulit sententiam. Patres Cardinales et Episcopi in Sessione

Ordinaria die 17 mensis Februarii anno 2009 congregati, audita relatione

Ponentis Causae, Exc.mi D.ni Petri Iacobi De Nicolò, Archiepiscopi titulo