Congregatio de Causis Sanctorum 951

Congressus Eucharisticus Nationalis ille in Mexico, qui anno 1924 occur-

rit, tempus fuit peculiari conversionis iuvenis Emmanuelae gratia praeditum:

cum ipsa enim se a Iesu eucharistico inspici perceperit, conversione gavisa

est, quae eam a vanitatibus recedere impulit, ut ad vitam in amore Dei et

proximi omnino defixam vergeretur.

Anno 1926, igitur, persecutione erga religionem in Mexico grassante, ipso

die festo Christi universorum Regis sese misercordi amori uti victimam et

piaculum consecravit: nam, animarum salutis eam desiderium laniabat. Anno

1929 monasterium Clarissarum Sacramentinarum in Civitate Angelorum in

California ingredi valuit, ubi vota Mariae Agnetis-Teresiae a Sanctissimo

Sacramento nomen sumens emisit. Sedecim quos Serva Dei hoc in monasterio

degit annos, in fidelitate erga claustri conversationem vixit: optatum autem

se plenius missionariam fieri gradatim eo cumulavit, ut se tantum in oratione

et sacrificio missionariam esse sibi non sufficere intellegeret sollicitudinemque

mundum universum peragrandi et, iuxta exemplum Iesu Missionarii et sancti

Pauli apostoli instar urgentiam sentiens praedicationis, Evangelium nuntian-

di animadverteret.

Maria Agnes-Teresia ostendens probitatem et oboedientiam, quas

Dominus ab ipsa petebat, ut propositum missionarium suum consummaret,

Superiorissae consilio subiecit. Dein, Episcopus Cuernavacensis accepit, ut

monasterium Clarissarum Missionariarum Sacramentinarum in Dioecesi

eius fundaret, quae postea in novam prorsus Congregationem Missionariam

transirent. Sic nova incepit communitas religiosa monasterii de «Ave Maria »,

quae ab anno 1951 titulum sumpsit Congregationis Clarissarum Missiona-

riarum a Sanctissimo Sacramento, cuius Mater Maria Agnes-Teresia prima

nominata est Superiorissa Generalis, quod usque ad ultimum spiritum

explevit munus.

Vocatio eius ad orationem et animarum Crucisque amor ad pleniorem

adhaesionem oblationemque voluntati Dei in ea coaluerunt: «O Iesu meus,

quod si tantum - inquit - omnes te cognoscerent et te diligerent, una haec

esset stips quam exposcerem: nisi enim pro salute animarum, nullam vivere

haberet significationem ». Eucharisticum mysterium et devotio erga Beatam

Virginem fulcrum fuerunt vitae eius: coram tabernaculo et in intima pietate

Mariae poenas passionesque suas Mater Maria Agnes-Teresia cum utilitatibus

ipsius Iesu consentiebat: « Tu de fructu tuo, ego de meo cavebo ».

Missionaria sollicitudine mota, diversas transivit terras et plurimas

fundavit missiones, quarum prima post Mexicum fuit in Iaponia, dein in