Congregatio de Causis Sanctorum 953

diei 17 mensis Februarii anno 2009, audita relatione Excellentissimi ac Re-

verendissimi Domini Xaverii Echevarrı́a Rodrı́guez, Episcopi tit. Cilibiensis,

Causae Ponentis, professi sunt Servam Dei virtutes theologales, cardinales

iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis, in gradu heroico Servae Dei Mariae

Agnetis-Teresiae a Sanctissimo Sacramento (in saec.: Emmanuelae a Iesu Arias

Espinosa), Fundatricis Congregationis Sororum Missionariarum Clarissarum a

Sanctissimo Sacramento et Missionariorum a Christo pro Universa Ecclesia, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis A. D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

AUGUSTANA VINDELICORUM

Beatificationis et canonizationis Servi Dei Ioannis Evangelistae Wagner sacerdotis

dioecesani (1807-1886)

DECRETUM SUPER VIRTUTIBUS

« Praesta, Domine, ut ex te vitam, sicut apex montis fontes suos ex

nimbis, totus traham et concede, ut per ineffabilem gratiam tuam quid sit

in te subsistere et Universum invenire percipiam ».

Vivida haec invocatio a Servo Dei Ioanne Evangelista Wagner annis

iuventutis redacta summam illam vim contemplativam promit, quae totum