49. De sancto Barnaba.

In 1. Vesperis.
Ad Magnificat.

A. Consolator animae,
Iesu, pastor optime,
Meritis Barnabae,
Filii consolationis,
Perfunde nos antidoto
Supernae unctionis.

Ad Matutinum.
Invitatorium.

Consolemur animis
adorantes Dominum,

Qui supernis sociat
Barnabam apostolum.

In 1. Nocturno.
Antiphonae.

1. Barnabas apostolus

ex tribu Levi prodiit,
Cuius praedicatio

in omnem terram exiit.
2. Iosepb a parentibus

primo nominatus,
Post haec ab apostolis

Barnabas vocatus.
3. Cyprus erat genere,

agrum suum vendidit,

Pretium apostolis
fideliter tradidit.

In 2. Nocturno.
Antiphonae.

1. Redeunt Ierusalem
fratres visitare,
Iubet sanctus spiritus
istos segregare.
2. In opus ministerii
hi duo electi,
Paphnum et Seleuciam
statim sunt profecti.
3. Lystris et Iconium

Cyprumque pergentes
Convertunt ad Dominum
verbo vitae gentes.

In 2. Vesperis.
Ad Magnificat.

A. Magnificemus Dominum,
Qui consolationis filium,
Barnabam apostolum
Dignatus est bodie
Caelesti consolatione

Consolari,
Cuius et nos precibus
Dono sancti spiritus

Mereamur recreari.