Acta Apostolicae Sedis - Commentarium Officiale954

iter eius in mundum comitata est et pastoralem ipsam spiritualemque indo-

lem informavit.

Venerabilis Servus Dei in vico Dattenusa in Suebia regione in Germania

die 5 mensis Decembris anno 1807 natus est e familia funditus catholica.

Ambitus, in quo infantiam degit, inveterata ac freta traditioni christianae

adhaesione atque intimo identitatis ac mutui solidaminis sensu signatus est.

Hoc fidei humanarumque dotum patrimonium profunde animum pueri Ioan-

nis affecit, qui iam inde a primis annis gratuita cum sollicitudine orare didicit

Deum et proximum amare.

Alacri intellegentia praeditus, bono cum exitu scholam frequentavit et,

studiis superioribus prospere patratis, institutionem suam apud Universita-

tem Studiorum perrexit cursibus philosophiae theologiaeque apud Athenaea

Dilingae ac dein Monachii in Bavaria accedens. Cum autem illis in iuvenilibus

annis vocationem Domini ad ministerium ordinatum animadvertisset, sine

mora academiae studia intermisit ac petiit, ut in Seminarium Maius Dilin-

gense admitteretur. Itinere institutionis peracto, die 31 mensis Maii anno

1833 presbyteratu auctus est.

Servo Dei, exinde, initium cepit tempus magnae actuositatis, quae navi-

tatem eius pluribus in apostolatus agminibus exegit: cappellanus primum fuit

Guittisliniae et, paucis post mensibus, Augustae Vindelicorum; postea, ob

sollicitudinem in muneribus exercendis expromptam, necnon ob magnas do-

tes eius spirituales, Dilingam revocatus est, ut praefectus Seminario officio

fungeretur, cui brevi tempore adiecerunt etiam mandata Professoris theolo-

giae dogmaticae apud Universitatem Studiorum, praedicatoris in cappellania

eiusdem Universitatis, confessarii auxiliarii in Seminario, moderatoris spiri-

tualis sacerdotum variis aerumnis laborantium, Episcopi Augustani Vindeli-

corum consiliarii spiritualis et clericorum rectoris Dilingensium. Omnibus in

his pastoralibus navitatibus prudentia facultateque discriminis et apostolico

zelo iuvenis presbyter eluxit.

Magna pars in Servi Dei vita habuit ministerium, quod gessit uti Episcopi

commissarius apud Sorores Franciscanas Dilingenses, quarum confessarius et

moderator spiritualis quadraginta et tres annos mansit. Una cum his religio-

sis plura suscitavit instituta praesertim puellarum necessitatibus ministran-

do, quae, cum surdae seu mente psychice captae essent, praecipue idcirco ab

omnibus abiectae vel derelictae erant: egenorum ergo integralis provectus

invalidorumque confirmatio fines fuerunt a Servo Dei instanter propositi,

qui ita religiosae conversationis augmento fomentoque favit.