50. De sancto Bartholomaeo.

In 1. Vesperis.
Super Psalmos.

A. Hic athleta Dei

donatus laude trophaei,
Quem docet orbe coli,
laudat in arce poli.

Ad Magnificat.

A. Orbis, ovans evigila,
Sanctis insiste plausibus,
Exsulta, gaude, iubila
Totus in Christi laudibus,
Bartholomaei precibus
Hostem antiquum ventila,
Ut omni fraude mutila
Laeteris in caelestibus.

Ad Matutinum.

Invitatorium.

Verum lumen de lumine
Pari colamus numine,
In quo praefulgent inclita
Bartholomaei merita.

In 1. Nocturno.
Antiphonae,

1. Miserante

Christi clementia
Fidem rectam

suscepit India
Et culturam

detestans idoli
Confirmatur

verbis apostoli.
2. Haec magorum

capta praestigiis
Tenebatur

subiecta vitiis,
Sed errorum

relicto tramite
Sacrae legis

fovetur fomite.
3. Non est ausus

coram apostolo
Quidquam loqui

daemon ab idolo,
Licet sese

multi conciderent
Et incassum

votis insisterent.
4. Spes aegrorum

frustratur penitus,
Daemon silet

ligatus caelitus,
Stat totius

plebis consilium
Implorare

Berith auxilium.
5. Templum Berith

intrantes nuntii

Causam quaerunt

huius dispendii,
Se passurum

verens similia
Maestis dedit

responsa tristia.

6. Deus vester

miser obmutuit
Et ligatus

catenis iacuit,
Ex quo miles

caelestis regiae
Fines visit

huius provinciae.

Responsoria.

1. Taetro quidam

plenus daemonio,
Suum voce

fassus incendium,
Viri Dei

iussus imperio
Male sonans

suppressit labium ;
Mox ab ipso

fugit daemonium
Nec est ultra

secuta laesio;
V. Hoc operata Dei

manus est per Bartholomaei.
2. Energiae

vexata rabie
Regis nata

vinclis adstringitur,
Provisurus

eius miseriae
Patienti

sanctus compatitur,
Quo mandante

puella solvitur ;
V. Sic vitium mentis

pepulit censura medentis.
3. Rex ignarus

boni gratuiti
Gemmis, auro

camelos onerat,

Ut per doni

vices exhibiti
Christi servo

re grates referat,
Ergo tanti

devote properat
Compensare

mercedem meriti ;
V. Transgreditur legis

metas intentio regis.

4. Non invento

viro Polymius
Suis aera

gazis restituit,
Cui vir idem

iam dudum conscius
In secreto

domus apparuit
Et in fide

prudenter imbuit,
Vitae verbum

spargens diffusius ;
V. Rex m emori clausit

in mente, quod auribus
hausit.

In 2. Nocturno.
Antiphonae.

1. Dum describi

cultores idoli
Sibi poscunt

vultum apostoli,
Mox addiscunt

et annos temporis
Et eiusdem

mensuram corporis.
2. Niger crinis, alba caro,
Barba longa, cano raro,
Aequae nares et directae,
Aures crine suo tectae.
3. Est aequalis in statura,
Mediocris in mensura,
Vestis, eius sordem nescit
Nec per tempus veterescit.

4. Frequentata

genuum flexio
Iugi Christum

pulsat suffragio,
Nam per noctes

et dies singulos
Suos ei

commendat famulos.
5. Angelorum

sancta societas
Veri Dei

conservat semitas,
Per quos tutus

ubique redditur,
Sic nec sitim

nec famem patitur.
6. Cuncta novit,

cuncta considerat,
Universis

donis exuberat,
Omnes habens

linguas in habitu
Ipsum sancto

replente spiritu.

Responsoria.

1. Compellente

Christi discipulo
Duros daemon

mugitus edidit,
Coram rege

cunctoque populo
Suae fraudis

commenta prodidit
Dicens: vivus

in mortem incidit,
Quisquis nostro

credit oraculo,
V. Tendit ad infernum

perdens diadema supernum.
2. Resipisce,

cruenta civitas,
Iam tenere

foedub cum idolo,
Sed a Christi

discas discipulo,

Quid sit fides,

quid spes, quid caritas,
Ut te servet

superna veritas,
Ne damneris

cum hoste subdolo ;
V. Sit tibi sincera

mens, sit confessio vera.
3. Doctor verus ait turbae:
Deum verum cognoscite,
Si salvi esse cupitis,
Simulacra conteratis;
V. ''Quoniam omnes dii gentium
daemonia, Dominus autem
caelos fecit.''

4. Indignata

sermone belluae
Plebs adclamans

in eam irruit,
Vincla nectit

ad collum statuae,
Tractu pronus

Astaroth corruit,
Idem daemon

ipsum comminuit
Potestate

vocis mellifluae;
V. Quam male possedit,

bene pulsus ab aede recedit.

In 3. Nocturno.
Ad Cantica.

A. Revertentes,

qui missi fuerant,
Singulorum

vultus considerant,
Duum tamen

dierum circulo
Dato sibi

carent oraculo.

Responsoria.

1. Multitudo

magna iacentium,

Hostis laesa

furore rabidi,
Sanitatis

sumpsit remedium
Interventu

pastoris providi,
Mox astantes

pro visis stupidi
Laeti laudant

factorem omnium ;
V. Effectus morbis

curavit conditor orbis.

2. De supernis

legatus veniens
Miro lenit

splendore populos,
Qui volatu

fanum circuiens
Signum crucis

sculpsit per angulos
Consecrando

recessus singulos
Et deorum

larvas eiciens ;
V. Omnibus est visus,

quem misit eis paradisus.

3. Sancte Bartholomaee,

Christi apostole,
Indoram doctor egregie,
Nostris aurem.

clamoribus appone,
Ut tuo ad Dominum

sustentati iuvamine,
Tui concives

mereamur et adesse ;
V. Intercede pro nobis

ad Dominum, gloriose
Dei amice,

ut ipsius gratia largiente
Tui concives

mereamur et adesse.

4. O militis praedicanda
Fides virtus et gloria,
Qui vivens decoriatus
Et capite tandem caesus

Iam victima munda factus
Caelos scandit laureatus,
V. Cuius, Christe, per merita
Ab occultis nos emunda.

In Laudibus.
Antiphonae.
A. Rex regnare

volens perenniter
Virum Dei

poscit humiliter,
Ut ablutus

aqua baptismatis
Imbuatur

dono charismatis.

Ad Benedictus.
A. Sub Astrige

coronam meruit
Venerandus

Christi discipulus,
Primo fustes

et post exhibuit
Ensem collo

percussor aemulus;
Quem defunctum

fidelis populus
In sepulcro

psallens deposuit,
Ubi templum

fundare studuit,
Quod illustris

perornat tumulus.

Per Horas.
Ad Primam.
A. Regis proles

et uxor regia
Iubilantes

cordis laetitia,
Candidatae

baptismi vestibus,
Fidem servant

inpressam cordibus.

Ad Tertiam.

A. Vigilantes

in lucis opere

Deum verum
sequunter libere,

Et quo magis
optata sitiunt,

Hac plenius
ea suscipiunt.

Ad Sextam.

A. Benedictus

largitor gratiae,
Qui de nervis

huius miseriae
Et de dolo

furentis idoli
Traxit Indos

verbis apostoli.

Ad Nonam.

A. Rex Indorum,

plebes et principes,
Sacrae legis

facti participes,
Exsultantes

percepta gratia
Christo mentes

parant cubilia.

In 2. Vesperis.

Ad Magnificat.

A. O virtutis

lux apostolicae,
Solis iubar,

caeleste speculum,
Omnes clemens

astantes respice,
Clerum rege,

conserva populum,
Ut post huius

mortis articulum
Resurgentes

in stola duplice
Repromissum

cenae dominicae
Convivantes

sumamus epulum.