51. De sancto Basilio.

In 1. Vesperis.
Super Psalmos.

A. Celsum votis eximiis
Antistitem Basilium
Colamus, qui prece miti
Daemoni eripiens,
Quem mox involvit hamus,
Obtinens chirographum
Denegata Christi fide,
Scriptum reddi per dolivagum
Eiulantem, se fore devictum ;
Annotatum facinus
Delens defunctus
Praesul benedictus,
Iudaeus catechizatus
Mire per ipsum
Caelis est addictus ;
Precamur ergo cernui
Sordes tu
raesidiis deleri,
Sacer O Basili, Christum
Exora nostri misereri.

R. Ephraem iusto sanctus
In visu claruit
Ut columna candens

Caelum attingendo,
Quod stupens mente

Revolvendo
Tacuit facti veritatem

Experiendo ;
V. Linguam eius

cernens ut ignitam,
Angelicam in eo

perpendens vitam
Fit certus in credendo.

Ad Magnificat.

A. Patris beati
Spiritus Basilii
Deum votis iugibus
Magnificavit,
Qui abdicans se
Blandimentis saeculi,
Ad superna verbis, factis
Laetus aspiravit.
Preces effunde
Tuis pro supplicibus,
Ut partem, quam elegeras,
Sectentur, resecatis
Huius mundi duplicibus
In aevum tecum
Feliciter laetentur.

Ad Matutinum.
Invitatorium.

Ad celsa sollemnia

Basilii venite,
Qui gubernavit omnia

Hic in terris rite.

In 1. Nocturno.
Antiphonae.

1. In cathedra

non sedit pestilentiae,
Qui pollebat

fervore clementiae,
In Dei lege

mens eius stabilita,
Precibus, ieiuniis,

doctrinis vita

Fuit eius polita.

2. Non fremuit nec coluit

Inania,
Resecans, quae docuit

Vesania,
Domino servivit

in timore,
Caeli sedem adeptus

in honore.
3. Christus caput

eius exaltavit,
Dum in excelsis

cellam fabricavit,
Renuntians hic saeculo
Addictus est

trinitatis speculo.

Responsoria.
1. Ab Arrianis

Vir Dei captam ecclesiam
Pastoralis contactu baculi

Recuperavit,
Christianis,

Reddens hanc basilicam
Ad laudem Dei, quam
Multiplicavit
V. Hymnorum concentibus,
Fidelis piis mentibus
Plebs hanc frequentavit.
2. Captum hamo daemonis
Fidem Christianam
Abiurantem
Verbis sacri canonis
Eripuit ad summa
Propalantem ;
V. Cum eiulatu

daemon chartam reddidit,
Quam liberato

praesul pius exhibuit
Noxia patrata continentem.
3. Domino fidelis

gratias plebs reddidit,
Videns almi praesulis

virtutum sanctitatem,
Quas in conventu omnium

mire Deus ostendit,
Ob quod eius adoraverunt
proni bonitatem.

V. Uxori laetus

redditur maritus,
A matrimonio

qui iudicatus quitus
Fuit propter iniquitatem.

In 2. Nocturno.

Antiphonae.

1. Sacrificavit sacrificium
Iustitiae, terrestrium
Spem adaequans maestitiae.
In pace requiescit,
Cui mundus vilescit.

2. Clamorem eius

Christus intellexit,
Dum ab imis

ipsum sursum vexit,
Ubi nulla maestitia
Sed in aevum

cernitur laetitia.

3. Minuisti

Paulo minus ab angelis

Basilium, dum vestisti

Sandaliis,

In tuo dum amore

Vixit hic sine torpore.

Responsoria.

1. Confiteri facinus,

Quod os et cor erubuit,
Scriptum pater almus
Iam defunctus abolevit,
Mens peccatricis
Visa charta gaudiis intumuit,
In spe dilectionis
Dulciter requievit,
V. Deo grates referens

iucunda,
Quod prius contrectabat

furibunda,
Spurcitiis

pro viribus plus cedit.
2. Felicis hora dum transitus

adpropinquaret,

Ib foribus mortem esse

Iosephque indicaret,
In spiritu

Basilius medici
Cognoscens iudicium
Ad eum inquit:
Non tam cito

imminet exitium;
V. Hodie sol cum sole occidet,

Iudaeus loseph fatur;
Praesul pius dixit: Non,

sed tempus prorogatur.
3. Ad medicum
Blando sermone
Praesul beatus
Ait Basilius:
Ad horam si vixero
Cras nonae, quid erit
Die mihi concitius?
Quod hortaris faciam,
Hoc si contingat, pater;
Invenisti gratiam,
Basilius respondit,

care frater.
V. Praesul vixit, ut narravit,
Iosephque catechizavit,
Sic lucri Deo medicum
Fecit et angelicum.

In 3. Nocturno.

Antiphonae.

1. Sanctus in tabernaculo
Tuo, Deus,

laetus requiescit
Mundique piaculo
Resistens

inquinamenta nescit.
2. Eius desiderium
Animae

sibi tribuisti,
Terrenum dum imperium
Vincendi

robur ei contulisti.

3. Memor eius, Deus, fuisti,
Hunc ad te dum allexisti
Mira pietate
Contempta vanitate.

Responsoria,

1. Fallentem mundum vincere
Supplices

fac tuos, pater pie,
Quae sursum sunt, elicere,
Non, quae inquinant, sectari
buius blandimenta viae.
V. Labe respersos exue,
Ad te reflexos indue
Salutis vestimento,
Fidei fulcimento.

2. Te colentes pio corde

Nos conserva sine sorde,

Ut sinceris monitis,

Non mentibus attonitis,

Te sequi mereamur,

Licitis utamur.
V. Doctrinae tuae favum mellis

Nos gustare, fac, ne fellis

Acerbitas inficiat

In Christi laude,

sed mens nostra proficiat.

3. O confessorum

lampas lucens clare,
Basili, doctor

praecelse, care,
Nostris in angustiis

Tuum praesta levamen,
Caeli nos iunge nuptiis,

Almum ubi propinatur
flamen.
V. Basili pater,

pontifex egregie,
Post mortem

applica nos regiae,
Quae ducit ad empyreum
Regni caelestis solium.

In Laudibus.

Antiphonae.

1. Domum tuam, Domine,
Praesul talis decebat,
Qui in tuo nomine
Fidem rectam augebat.

2. Portas eius introivit
In confessione,
Caelum quapropter adivit
In exsultatione.

3. Labiis laetitiae
Deum exaltavit,
Mundum maestitiae
Praesentem adaequavit.

4. Ore, corde praesul Deum
Almus benedixit,
Mundum spernens, hostem
saevum,
Quibus maledixit.

5. Sanctorum in ecclesiis

Deo laudes novas canebat,

Dum egentium inediis

Basilius ut pater succurre-
bat.

Ad Benedictus.
A. Suae plebis Dominus

Redemptionem pie visitavit,
Dum ad regendum comminus
Eum praesulem adoptavit,
Qui sedentem in tenebris
Doctrinae pastu populum
refecit,
Sit dies eius celebris,

Qui tam mira miranda per-
fecit.

In 2. Vesperis.

Ad Magnificat.

A. O laudabilem per omnia
Basilium per saecula,
Ob cuius praecelsa merita
Nostra pientur famina
Ducamurque ad gaudia
Sanctorum perennia.