Acta Apostolicae Sedis - Commentarium Officiale956

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis, in gradu heroico Servi Dei Ioannis

Evangelistae Wagner, presbyteri dioecesani, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis anno Domini 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

LIMANA

Beatificationis et canonizationis Servae Dei Teresiae a Cruce Candamo fundatricis

Congregationis v .d. « Las Canonesas de la Cruz » (1875-1953)

DECRETUM SUPER VIRTUTIBUS

« Scitis enim gratiam Domini nostri Iesu Christi, quoniam propter

vos egenus factus est, cum esset dives, ut illius inopia vos divites essetis »

(2 Cor 8, 9).

Serva Dei Teresia a Cruce Candamo Álvarez Calderón summa congruentia

hoc paupertatis et servitii iter perlustravit, quod Paulus apostolus agnoscit et

in mysterio Christi contemplatur.

Teresia die 19 mensis Augusti anno 1875 Limae nata est e notabili altioris

societatis familia, et aliquot post dies baptismali fonte est abluta. In ambitu

plane inspirato christiana vitae visione infantiam transegit et validam acce-

pit humanam, culturalem et religiosam formationem, quae ulterius aucta et

expleta est apud Collegium Sororum a Sacro Corde, ubi primo iuventutis