Congregatio de Causis Sanctorum 957

tempore linguarum exterarum, litterarum et artis musicae studiis se dederat.

Hoc in formationis itinere, quo tempore sacramenta christianae initiationis

recepit, adumbrari coeptae sunt virtutes quae sustentacula sunt habita eius

spiritualitatis, cultus scilicet erga Eucharistiam et amor erga Beatissimam

Virginem.

Anno 1903 pater eius, vir politicus, morum integritate praeclarus, electus

est Praeses Reipublicae Peruvianae; tunc Serva Dei vivere incepit periodum

intensae vitae socialis, quae tamen aliquot post menses ob improvisam geni-

toris mortem conclusa est. Tristis hic eventus ita integram penitus affecit

familiam ut anno 1905 mater statuerit longum iter simul cum filiis suis in

Europam suscipere.

Quaedam fidei probationes, quas ipsa duos per annos est experta in

Europa, intimum attulerunt effectum in eius personalem indolem. Romae

convenit beatam Mariam Ledóchowska, Conditricem Instituti Sancti Petri

Claver pro Missionibus Africanis, qua de re excogitavit opus simile condere

pro eius Natione ac pro universa America Latina. Savonensi in oppido

v. Alassio, apud ecclesiam Fratrum Capuccinorum, dum magni Crucifixi ima-

ginem contemplabatur, persensit ad perfectionis vitam a Iesu vocari; Lapur-

dum peregrinans intellexit suam religiosam vocationem confirmatam esse.

Redux in patriam, simul cum sorore Maria se subiecit servitio parochi

apud ecclesiam Sacrarii media in urbe Limana, ut catechismum doceret et

sociatam operam sacerdotibus praestaret. Aliae personae coniunctae sunt

earum missioni, et Serva Dei, communionem iugiter servans et oboedientiam

moderatori spirituali et Episcopo, novam fundationem religiosam contempla-

tivae simul et activae vitae proposuit, has intuitivas visiones scriptis man-

dando. Attamen, difficultates non defuerunt nec pravae interpretationes

quae animum Servae Dei ad frustrationem moverunt et dolorem: ipsa in

omnimoda oboedientia et spirituali serenitate omnia pertulit, conscia Domi-

num meliorem viam esse designaturum. Difficultates quidem celerrime sunt

superatae; admissae sunt dotes, virtutes et aequabilitas Servae Dei, necnon

opportunitas fundationis; etenim die 16 mensis Augusti anno 1919 concessum

est Decretum condendi Congregationem a Cruce, quae ulterius nomen

assumpsit Congregationis Canonissarum a Cruce, ad disponibilitatem offeren-

dam atque adiutorium parochis praestandum et dioecesibus sub aspectu

liturgico, culturali et catechetico, necnon ad promovendam assistentiam et

formationem moralem apud familias in angustiis versantes.