Acta Apostolicae Sedis - Commentarium Officiale960

Eucharistiam et Beatam Virginem, humilitatis expiationisque spiritum.

Fundamenta eius vitae exstiterunt Christus et Beata Virgo Maria, quos ipsa

indiviso corde dilexit, quibusque humilitate, fervore et sacrificii spiritu inser-

viit. Venerabilis communionem cum Deo suumque strenuum apostolatum

sustinuit liturgia, oratione, cultu erga Passionem Iesu et Eucharistiam.

In extrema parte vitae suae in Centonara d'Artò prope Novariam, ubi,

aetate provecta meritisque onusta, in Domino obdormivit die 26 mensis Iulii

anno 1945.

Beatificationis respectu, Causae Postulatio huius Congregationis de

Causis Sanctorum iudicio permisit praesumptam sanationem viri Victorii

Ianni, qui, iam affectus arteriarum hypertensione anno 1988, paulo magis

quinquaginta annos, a magno morbo cerebrali percussus est. Quamvis noso-

comio curationem accepisset, post quinque annos nova sectione chirurgica

opus fuit, propter arteriae aneurysma, quod gravis hypertensio secuta est,

quae serium ictum cerebralem effecit cum funestis effectibus. Ita tabula

clinica videtur gravissima, ut omnes crederent aegrotum praefato morbo

moriturum esse.

Propter rem omni spe deiectam, aegroti filius, iussu amicae familiae, ad

patris pulsum nomisma cum Sancti Vultus effigie obstrinxit, ad donum

sanationis petendum, precibus Servae Dei Mariae Petrae De Micheli. Subito,

postero die, 26 mensis Ianuarii anno 1994, d.nus Victorius, ex morbo conva-

luit, e somno suscitatus est, petivit ut aliquid ederet et miram renovationem

motus obtinuit.

Diligentissime medicus eum inspexit et confirmavit sive mirabilem sana-

tionem sive celeriter omnia in melius mutata esse. Manifestum omnibus est

concursionem temporum inter invocationem Servae Dei et sanationem viri

Victorii Ianni fuisse, qui nunc liber est atque magnifice vivit domi et intra

privatos parietes.

De hac sanatione, existimata prodigiosa, apud Curiam Episcopi Nova-

riensis, a die 9 mensis Septembris usque ad diem 3 mensis Iunii anno 2003,

Inquisitio dioecesana instructa est, quam haec Congregatio per Decretum

editum die 26 mensis Novembris anno 2004 adscivit. Coetus Medicorum,

die 8 mensis Maii anno 2008, edixit sanationem celerem, perfectam, constan-

tem et ex scientiae praeceptis inexplicabilem fuisse. Die 30 mensis Septembris

anno 2008, Peculiaris Consultorum Theologorum Congressus habitus est,

eiusque exitus affirmativus confirmatus est die 17 mensis Martii anno 2009,

in Ordinaria Sessione a Patribus Cardinalibus et Episcopis, Ponente Causae