56. In Translatione s. Birgittae.

In 1. Vesperis.
Antiphonae.

1. Benedicta sis, trinitas
Gloriosa, quae semitas,
Illustrasti sanctorum,

Nam suscitas de pulvere
Brigidain et conscendere
Das matrem filiorum.
2. Haec orta stirpe nobili
Nobilitatem generis
Virtutibus ornavit,

Cum corde Iesum humili
Christum ab annis teneris
Quaesivit et amavit.

3. Ut Raguelis filia

Non cum carnis lascivia,
Sed pro prolis amore
Nupsit puella nobilis
Viro, dum esset nubilis,
Cum Domini timore.
4. Prophetissa de Suecia
Surgit potens in gratia
Dante Deo deorum,
Qui Israelem sociat
Dispersum, ut resarciat
Ruinam angelorum.
5. Laudemus Deum gloriae,
Qui verbum paenitentiae

Per sponsam destinavit,
Currit sermo velociter,
Frigus fugit, et largiter
Imber mentis rigavit.

Ad Magnificat.

A. O tuba sancti flaminis,
Canale caeli flaminis,

Sponsa regis caelorum,
Brigida, clara genere,
Esto cum precum munere

Advocata reorum.
Quam dulcis es, o trinitas,

In tuis sanctis donis,
Qui fines lustrans visitas

Longinquae nationis
Et prophetissam suscitas

Ad latus Aquilonis,
O miserere miseris,
Nos purgans sorde sceleris,

Qui caeli praees thronis.

Ad Matutinum.

Invitatorium.

Laudetur Dei gratia

Pro sponsa, quam amavit,
Cui sua mysteria

Secreta revelavit.

In 1. Nocturno.
Antiphonae.

1. Ex ore sponsae simplicis
Laudem, Deus, fecisti,
Quam verbis vitae mysticis
Scribendis instruxisti.

2. Cives narrant angelici

Sponsae magna mysteria,
Conscripti libri caelici
Sonant per orbis spatia.

3. Ascendit mentis ardua,
Bibit fontis irrigua

Per contemplationem,
Per hanc canalem dulcia
Verba fluunt donantia

Valli irrigationem.

Responsoria,

1. Rex regum suum hortulum
Ad aquilonis angulum

In Suecia plantavit,
Dum spinae replent hortulum,
Rex inde tulit surculum

Et Romam transportavit ;
V. In vitem magnam surculus

Crevit ex vi donorum,
Nunc bibit terrae populus

Vinum eloquiorum.

2. O Iesu, rex aetheree,
Restaura sepes vineae,

Custodes da murorum,
Brigida, proles Sueciae,
Romanae planta ecclesiae,
Ora regem caelorum,
V. Ut vineam reaedificet
Et vino nos laetificet
Verborum divinorum.

3. Maria, pone vigiles,
Qui fortes sint et pugiles
Ad excolendos hortulos,
Tollendo spinas, tribulos ;
Salve, virgo, flos virginum,
Ora pro nobis Dominum,

V. Ut suam sanctam plantulam,
Brigidam, tuam famulam,
Augmentet mille milibus
In floribus et fructibus.

In 2. Nocturno.
Antiplionae.

1. Dum sponsae placet thalamus
Thronusque castitatis,
Fit eius lingua calamus
Scriptricis veritatis.
2. Adoremus adiutorem

Nostrum propter prodigia,
Nam fit doctis in stuporem
Sponsa loquens mysteria.
3. Rex summus sponsam dedicat
In suum tabernaculum,
Per quam servos laetificat
Propinans vitae poculum.

Resportsoria.

1. Mariti post exsequias
Ad iterandas nuptias
Nolebat inquinari,
In vestibus humilibus
Non horret a nobilibus
Despecta reputari ;
V. Conversans adhuc saeculo
Sic vixit, quasi vinculo
Subiecta regulari.
2. Relictis suis omnibus,
Domo, possessionibus,
Amicis et cognatis
Ut Abraham oboediens
Romam venit, cor iaciens
In manu deitatis ;
V. Loca sanctorum circuit
Gaudenterque sustinuit
Caminum paupertatis.

3. Romana fit ecclesia
Sponsae Christi nutricia

Amantis castitatem,
Dum sub magistri ferula
Degit simplex discipula

Tenetque paupertatem,

V. Servat oboedientiam

Subiectam suam propriam
Relinquens voluntatem.

In 3. Nocturno.

Antiphonae.

1. Rex Iesu, docet gloriam
Servatque sanctimoniam

Purae confessionis,
Annuntiat iudicia,
Quae dantur propter vitia

Perversae nationis.

2. Fit tuba Dei ductilis
Sponsa Christi amabilis,
Dum malleatur ictibus,
Ieiuniis, laboribus.

3. Cantate Deo canticum
Pro dono pietatis,
Qui spiritum propheticum
Sponsae donavit gratis.

Besponsoria.

1. Visiones mirabiles,
Amabiles, terribiles

Romae sedens conscribit,
Mariae per suffragia
Oblata sibi dulcia

Divina vina bibit ;
V. Dum visitat reliquias

Et limina sanctorum,
Comportat indulgentias

Opesque meritorum.

2. Virtutibus proficiens

Gressum movet progrediens

Ultra peregrinari,
Ad Ierusalem properat,
Ubi Deus permiserat

Se nudum immolari ;
V. Dum sepulcrum velocius

Et loca passionis
Percurrit, cumulatius

Augetur Dei donis.

In Laudibus.

Antiphonae.

1. Ex dono tuo, Domine,
Brigida fortitudine

Lumbos suos adcinxit,
Ieiuniis, laboribus,
Atrocibus frigoribus

Motus carnis exstinxit.

2. Sponsa gaudet et iubilat,
Dum ordo sibi rutilat

Iesu nativitatis,
Mariae puerperium
Et parvuli praesepium
Monstratur ei gratis.
3. Amara Christi passio
Et suae fatigatio

Mortis penuriosae
Revelantur ex serie,
Dum ad montem Calvariae
Oraret lacrimosa.
4. Iesu passo compatiens,
Ab Ierusalem rediens

Ad Romam remeavit,
Ubi post Deum sitiens,
Feliciter obdormiens
Ad Dominum migravit.

5. Tua, Deus, oracula
Confirma per miracula,

Quae sponsae tribuisti,
Fracta carnis laguncula
Lampas lucet, qua facula
Hostes perterruisti.

Ad Benedictus.

A, Quasi stella matutina
Sic refulsit vi divina

Brigida, lucis filia,
Luce Deus hanc instruxit,
Qua errantes multos duxit

Ad verae lucis gaudia.
O benedicta trinitas,
Quae gyro caelum circuis
Et prophetissam statuis

Ad latus aquilonis,
Nos duc in pacis semitas,
Dimitte poenas debitas,
Ut detur nobis claritas

Tuae fruitionis.

In 2. Vesperis.
Ad Magnificat.

A. O Brigida, sublimata

Praecelsis privilegiis,
Tu a Deo visitata,

Revelata mysteriis,
Tu virtutibus ornata,

Agni coniuncta nuptiis,
Digne gaudes laureata,

Ora pro tuis filiis ;
Deus, qui te glorificat,
Sed et signis mirificat,

Donet nobis salvari,
Ut coram agni facie
In angelorum acie

Possimus coronari.