57. De sancta Birgitta.

In 1. Vesperis.

Antiphonae.
1. Rosa rorans bonitatem,
Stella stillans claritatem,

Birgitta, vas gratiae,
Rora caeli pietatem,
Stilla vitae puritatem
In vallem miseriae.

2. Christus ductor, dulcis doctor,
Te dilexit, te direxit

In aetate tenera,
Tuque mitis, virens vitis,
Profecisti et crevisti

Florens super sidera.

3. Mentem mundans, fidem fun-
dans

Amor cinxit et revinxit

In sancto proposito,
Tota decens, tota recens
Christum amas, Christum cla-
mas

Toto vitae stadio.
4. Mundi fruens opibus,
Orta de nobilibus

Mundum contempsisti,
Vivens in coniugio
Pio morum studio

Pergis viam Christi.

5. Viro tecum continente
Sursum scandis tota mente

Et carnem mortificas,
Virum doces iter rectum
Et inducens ad perfectum
Deo gaudens dedicas.

Ad Magnificat.

A. Ministrans pauperibus,
Nudis et debilibus

Christum induisti,
Quem timendo iugiter
Et amando dulciter

Sponsa concupisti,
Iam sinu sponsi frueris,
Opem deposce miseris,

Dulcis sponsa Christi.

Ad Matutinum.
Invitatorium.

Deum patrem veneremur
Pro Birgittae gloria,

Ut cum Christo coronemur
Per eius suffragia.

In 1. Nocturno.
Antiphonae.

1. Docetur velut filia

Per Christum perque virgi-
nem,
Cum qua vitae decentia
Sponsae gerat imaginem.

2. In virginali thalamo

Qui se carne praecinxit,
In huius sponsae calamo
Mysteria depinxit.

3. Dei suavis spiritus

Dum caelitus inundat,
Ex ore sponsae veritas
Et bonitas redundat.

Responsoria.

1. Haec sursum rapta spiritu
Videt mentis intuitu

Iesum cum sanctis stantem,
Qui mundi scelus aperit
Et se contemptum asserit
De suis exsulantem;
V. ''Lux venit in mundum, et di-
lexerunt homines magis tene-
bras quam lucem.''

2. Astans Dei iudiciis
Videt, quantis suppliciis

Impii mactantur,
Quam gravis est purgatio,
Quam horrens est damnatio,
Tormenta testantur;
V. ''Cum exarserit in brevi ira
eius, beati omnes, qui confi-
dunt in eo.''

3. Ardenti desiderio
Pro populi suffragio

Peccantis dum anhelat,
Quam gravia sunt vitia,
Quam grata dat remedia,
Christus ei revelat ;
V. ''Loquitur pacem in plebem
suam et in eos, qui conver-
tuntur ad cor.''

In 2. Nocturno.
Antiphonae.

1. Maria sponsae reserat,

Quod in matre perfecta
Sine peccato fuerat
Originis concepta.

2. Pandit, quae delectatio

Matrem Annam replebat,
Soae felix infusio
Dum animae fiebat.
3. Nunquam sensit contagium
Maria, sed sublimium
Virtutum gessit lilium
Prae ceteris mortalium.

Responsoria.

1. Maria, virgo parvula,

Christum nasci de virgine
Per prophetas instructa,
Tota mentis dulcedine
Eius optatur famula

Quod fieret innupta;
V. ''Desiderium animae eius tribu-
isti ei, Domine, in benedictio-
nibus dulcedinis.
''2. Ancillae ministerium

Grato fervore spiritus

Dum humilis affectat,
Illuxit ei caelitus
Et Dei patris filium
In utero receptat;
V. Cibavit eam Dominus pane

'' vitae et intellectus.
''3. In excessivo gaudio
Iam nato dulci filio

Virgo mater exsultat,
Dum videt membra tenera,
Per quae transibunt vulnera,
Dolor cordi resultat;
V. ''Abscotidisti haec a sapientibus
et prudentibus et revelasti ea
parvulis.''

In 3. Nocturno.
Antiphonae.

1. Ut doctrix evangelii
De novo mater Dei
Suam totamque filii
Vitam demonstrat ei.

2. Ad finem a principio

Christi poenas expressit,

Et consummato proelio
Quam flebitis decessit.

3. Quam forti vehementia
Dolor eam transfixit,
Dum mortem et opprobria
Christi vidit, edixit.

Responsoria.

1. Vicissim sanctis loquitur
Et colloquens assequitur
Mellifluam doctrinam,
Perversos mores arguunt
Et christianis consulunt
Virtutum medicamen,
V. Ne quando irascatur Dominus,

'' et pereant de via, iusta.
''2. Pro dogmate fidelium

Tam frequens revelatio
Est mentibus legentium
Stupor et admiratio,
Sponsae decus eximium
Famaeque divulgatio ;
V. ''Immortalis est enim memoria
illius, quia apud Deum nota
est et apud homines.''

In Laudibus.
Antiphonae.

1. Post mortem viri penitus
Sponsa Christo subiecta,
Haec Romam iuxta spiritus
Praeceptum est profecta.
2. Illic suae sublimiter

Vitae virtus ascendit,
Odorque famae dulciter
Se populis extendit.
3. Loca sanctorum adiit

Quam plurima, dum vixit,
Totum iter, quod transiit,
Christus ei praedixit.
4. Fervens amore fortiter
Aetati non pepercit,
Ierusalem hilariter

Et Bethlehem perrexit.

5. Maria e partus seriem,

Cum Bethlehem venisset,
Sponsa vidit per ordinem,
Tunc velut peperisset.

Super Benedictus.

A. In sanctae vitae studio
Mundi decurso stadio

Languens sponsam desiderat,
Sponsus iucundus properat
Blando placans sermone:
Veni, praedulcis filia,
Grata virtutum lilia

Portans, in sponsi gremium,
Gustabis dulce praemium
Perpetuae coronae.

In 2. Vesperis.
Ad Magnificat.

A. O Deum ineffabilem,

Qui sponsae vitam humilem
Arrhis ditavit optimis
Et nunc in caelo maximis
Honoribus delectat,
Ipsam magnis miraculis
Exaltans hic in populis,
De mundi nos turbinibus
Ereptos caeli civibus
Eius prece connectat.

Infra Octavam.

Ad Benedictus.

A. O Birgitta, murrae gutta,

Exemplar continentiae,
Confecisti plebi Christi

Emplastrum paenitentiae,
Dum scripsisti verba Christi,

Tu nova lux ecclesiae,
Esto tutrix, esto nutrix

Tibi pronae familiae.

Ad Magnificat.

A. Sponsa regis, doctrix legis,
Exemplar sequens fortium,
O Birgitta, rubra vitta,
Tuum ligasti labium,

Dum loquendo vel tacendo

Amasti Dei filium,
Ora regem, ut nos gregem

Ducat ad caeli gaudium.

Ad Benedictus.

A. Sancta Birgitta, Dominum
Exora clementissimum,
Ut post mundi exsilium,
Det nobis caeli gaudium.

Ad Magnificat.

A. Birgitta, Christi vernula,
Caelestis regni saecula
Indignis nobis patula
Stent tua prece sedula.

Ad Benedictus.

A. Pro prece Birgittae,

Deus, omnia prospera mitte,
Nobis dimitte
probra singula, poscimus id te.

Ad Magnificat.

A. O Deus aeterne,

nos dirige, protege, cerne,
Proque tuae vernae

prece scandala, crimina
sterne.

Ad Benedictus.

A. Esto, Christi sponsa pia,
Nobis semper in hac via

Procuratrix veniae,
Post hanc vitam summe sitam
Angelorum infinitam

Posce sedem gloriae.

Ad Magnificat.
A. Caeli Deum fideliter,
Sponsa dulcis, ora,
Ut nos ad se feliciter
Ducat in mortis hora.

Ad Benedictus.
A. Christe, propter tuam necem
Atque tuae sponsae precem
Da carere vitiis,

Sicque nobis post hanc mortem
Angelorum confer sortem
In aeternis gaudiis.

Ad Magnificat.

A. Christe, Birgittam petimus,
Tuam sponsam et natam,
Ut nobis poscat omnibus
Sedem caeli paratam.

Ad Benedictus.
A. Birgitta, sponsa Christi
Nostraque patrona,
Quae felix meruisti

Summa caeli dona,
Fer nos de mundo tristi

Tua prece prona

Et fac in caelo sisti

Ornatos corona.