Acta Apostolicae Sedis - Commentarium Officiale964

Cum exitu affirmativo, die 30 mensis Maii anno 2008, Peculiaris Consul-

torum Theologorum Congressus actus est. Cardinales Patres et Episcopi in

Ordinaria Sessione die 20 mensis Ianuarii anno 2009, audita relatione Causae

Ponentis Exc.mi D.ni Petri Georgii Silvani Nesti, Archiepiscopi emeriti

Camerinensis-Sancti Severini in Piceno, agnoverunt Servum Dei virtutes

theologales in gradu heroico exercitavisse, cardinales et affines.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Francis-

ci Iosephi Rudigier, Episcopi Linciensis, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Aprilis A. D. 2009.

e Angelus Amato, S.D.B.

Archiep. tit. Silensis, Praefectus

L. e S.

e Michaël Di Ruberto

Archiep. tit. Biccarensis, a Secretis

CENOMANENSIS - MARIANOPOLITANA

Beatificationis et canonizationis Servae Dei Mariae De La Ferre Confundatricis

Instituti Filiarum Sancti Ioseph Flexiensis nunc Religiosarum Hospitalariarum

Sancti Ioseph (1590-1652)

DECRETUM SUPER VIRTUTIBUS

''Amen amen dico vobis: Quamdiu fecistis uni de his fratribus meis mini-

mis, mihi fecistis'' (Mt 25, 40).

Serva Dei Maria De La Ferre totis viribus hanc doctrinam vixit et suas

optiones ad fratrum indigentiorum auxilium collocavit.