64. De sancto Brinolpho.

In 1. Vesperis.
Antiphonae.

1. Brinolphi patris merita
Laudando prosequamur,
De vita cuius inclita
Sectanda gratulamur.

2. Ab universis populis

Rex regum collaudetur,
Quem grex praeclari praesulis
Devote confitetur.

3. Ortus praeclaro germine
Iam scholis applicatur,
Scripturae sacrae flumine
Potatus incrassatur.

4. Hic puer, purus animo,
Virtutibus perfectus,
Coepit servire Domino
Pudicus, simplex, rectus.

5. Gaude, felix Vesgotia
Laudando salvatorem,
Qui talem sua gratia
Tibi dedit pastorem.

Ad Magnificat.

A. O praesul eximie,

nihil omisisti,
Quod ad laudem cederet

matris Iesu Christi ;
Tu scripturae veteris

mella collegisti,
Texturae mirabilis

modum invenisti,
Prosae carmen aureum

dum intexuisti.
Ad tribunal iudicis

nos securos sisti
Fac, rogamus supplices,

sis dux, ut fuisti.

Ad Matutinum.
Invitatorium.

Concinentes adoremus
Confessorum Dominum,

Et constanter invocemus
Brinolphi suffragium.

In 1. Nocturno.
Antiphonae.

1. Legem Dei vir beatus
Meditando iugiter
Secus rivulum plantatus
Fractum fecit dulciter.
2. In virtutum montem scandens
Velut tuba sonuit,
Legem Dei plebi pandens
Iniquos compescuit.
3. Verbo vitae gregem pavit
Praesidens salubriter,
Lupos arcet tamquam David
Dimicans viriliter.

Responsoria.

1. Gemmae iubar pretiosae
Vita vicit praesulis,
Qui doctrinae radiosae

Lucem dedit saeculis,
Viam vitae fructuosae
Demonstrans discipulis.
V. ''Super montem excelsum as-
cende tu, qui evangelizas Sion,
et clama in fortitudine.
''2. Ut Samuel pro populo

Preces fudit ad Dominum
Devotas incessanter,
Sic gregi sibi credito
Deum facit propitium
Pastor orans instanter;
V. Multum enim valet deprecatio

'' iusti assidua.
''3. Ut Iosiae memoria,

Dum in exemplum trahitur,
Fragrat ut sucus florum,

Sic huius viri gloria
Suaviter diffunditur
Ut odor pigmentorum.
V. ''Iustus germinabit sicut Ulium
et florebit in aeternum ante
Dominum.''

In 2. Nocturno.
Antipbonae.

1. Invocantem exaudivit
Deus suum famulum,
Linguam eius erudivit
Ad docendum populum.
2. Cinctus zona castitatis

Sanctam vitam praedicat,
Transgressores honestatis
Iusta poena vindicat.

3. Aqua sibi ter oblata

Ter in vinum vertitur,
Sic est eum consolata

Mater Christi, dum colitur.

Responsoria.

1. Dum stomachi doloribus,
Lentis quidem, sed iugibus,

Vir iustus cruciatur,
In multa patientia
Virtutis exercitia
Portando gratulatur.
V. ''Libenter gloriabor in infir-
mitatibus meis, ut inhabitet
in me virtus Christi.
''2. Dum rex ipsum persequitur,
Fugam capit vir Dei,
Constanter post revertitur,

Occurrit stagnum ei,
Ventorum vi repellitur,
Clamat ad fontem spei.
V. ''Cum invocarem, exaudivit me
Deus iustitiae meae, in tribu-
latione dilatasti mihi.
''3. Spes sanctae fortitudinis,
Christus ei placatur,
Ventus cessavit turbinis
Et aura grata datur,

Virtute sacri flaminis
Cor regis mitigatur.
V. ''Nolite tangere Christos meos
et in prophetis meis nolite
malignari.''

In 3. Nocturno.

Antiphonae.
1. Saeva cedit discordia,

Rex sanctum veneratur,
Pax redit et concordia
Sic regnum solidatur.
2. Helenam sanctam viduam,
Quam praesul invocavit,
Historiam per congruam
Decenter honoravit.

3. Divinum per suffragium
Caecum illuminavit
Petentesque divortium
Sagaciter pacavit.

Respoitsoria.
1. Tanti patris praesulatum
Lauda, felix Suecia,
Sacrum germen a te natum

Comitare gratia,
Fac, ut illum advocatum

Habeas in patria,
Ne post huius vitae statum
Caeli desint gaudia.
V. ''Domine, dilexi decorem domus
tuae et locum habitationis
gloriae tuae.
''2. O Dei miseratio,

Vir sanctus precum studio

Defunctos suscitavit,
Hos confitentes scelera
Compunctos solvit dextera,
Quos Deo commendavit.
V. ''Qui educit vinctos in forti-
tudine, similiter eos, qui ex-
asperant, qui habitant in se-
pulcris.
''3. Fortis gigas in acie,
Loricam fers iustitiae,
Brinolphe, pastor pie,

Corroborans ad proelium
Pias mentes fidelium,
Elide robur hostium

Post cursum huius viae.
V. Posce nobis, sancte pater,

Gratiarum munera,
Tua prece Iesu mater

Nos ducat ad aethera.

In Laudibus.

Antiphonae.

1. Servus prudens et fidelis
Mole carnis posita
Supra multa fit in caelis
Constitutus abdita.

2. Nos ad fontem gratiarum
Suis ducat meritis,
Ubi salus animarum
Gustatur ex intimis.

3. Vigilavit diligenter
Ad Deum diluculo,
Vita, verbo sapienter
Lucem dedit saeculo.

4. Magnificemus Dominum
In suo confessore,
Nobis illum propitium
Reddat pro suo more.

5. Sub nube stella tegitur
Et tenebris velatur,
Sed populo lux oritur,
Dum mente serenatur.

Ad Benedictus.

A Matutina stella luxit,

Dum errantem hic instruxit
Et per viam vitae duxit

Sanctus praesul populum ;
Pastor pie, roga regem,
Cuius tu zelasti legem,
Ut nos pascat, suum gregem,

Donans vitae poculum.

In 2. Vesperis.
Ad Magnificat.

A. Vale, tu praesidium

et spes Vesgothorum,
Tolle tuis precibus

quod est indecorum,
Dentes tunde baculo
rapaces luporum,

Ne grex ipse pereat

defectu pastorum,
Ante summum iudicem

causas correorum
Constanter defendito

iure meritorum,
Si desperes vincere,

non declina forum,
Immo nobis advoca

reginam caelorum.