65. De sancto Cannico.

In 1. Vesperis.

Antiphonae.

1. O pastor pie Cannice,

Gregem benigne respice,
Turmae concivis caelicae,
Christo nos caros effice.

2. Tu excelsus

in verbo gloriae
Illustrasti

partes Hiberniae,
Quibus monstras

viam institiae,
Hos commenda

divinae gratiae.

3. Rogum in Italia
Ardentem vicisti,
A quo Dei gratia
Illaesus existi,
Gehennae nos libera
Ab ardore tristi.

4. Tuam nobis

pande clementiam,
Qui sedasti

maris saevitiam,
Ut compescas

omnem malitiam,
In hoc mundo

nohis contrariam.

5. Ex quo Dei munere
Caelos ascendisti,

Digne Deo vivere

Fac nos servos Christi,

Qui defunctis reddere
Vitam potuisti,
In terris dum vixisti.

Ad Magnificat.

A. Ad sancti Cannici

Laeta sollemnia,
Viri mirifici

Per signa varia,
Laude multiplici

Plaudat ecclesia,
Quo possit effici

Consors in gloria.

Ad Matutinum.

Invitatorium.

Adoremus unicum
Rerum conditorem,

Collaudantes Cannicum,
Christi confessorem.

In 3. Nocturno.
Antiphonae.

1. Vivens sine macula
Iuste sanctus iste

Intrat tabernacula
Tecum tua, Christe.

2. Praeventus a gratia

Benedictionis

Laetatur in gloria

Exsultationis.

3. Manibus innocuum,

Puro corde mundum
Christus levat Cannicum
In montem iucundum,

Responsoria.

1. Sermo multis populum

Lacrimis rigavit,
Quem Deus per angelum

Sancto revelavit,
Grande per miraculum

Bis mare sedavit ;
V. Ignis habitaculum

Sancti concremavit,
Apertus periculum

Liber ignoravit.

2. Cannice, currens

viam compendii,
Iam triumphans

in meta stadii,
Satiatus

de fonte gaudii,
Ad te, pater,

suspirant filii ;
V. Caro, mundus,

daemon vi proelii
Nostri cursum

turbant exsilii.

3. Facto sero vineae

Cultor munerator,
Clarum tenens vespere

Carne separatur,
De lacu miseriae

Spiritus levatur,
Carnis liber tegmine

Caelo collocatur ;
V. Cuius sacer exitus
Per Christum divinitus

Signis illustratur.

In Laudibus.
Antiphonae.

1. Decantemus Cannici
Laudes ad honorem,
Qui iam regni caelici
Induit decorem.

2. Laetanter magnalia
Sancti praedicate
Et in eius gloria
Deo iubilate.
3. In noctis vigiliis
Deum sitiebat,
Pietatis studiis
Dies impendebat.
4. Benedicant Dominum
Chrisi confessores,
Qui caelestes Cannicum
Vexit ad honores.
5. Laudent regem gloriae
Cuncta, quae creavit,
Qui ad caelos hodie
Cannicum levavit.

Ad Benedictus.

A. Benedictus Dominus,

Qui nos visitavit,
Per quem sanctus Cannicus

Languidos sanavit,
Sua prece mortuos

Plures suscitavit,
Dirigendo devios

Viam pacis stravit

In 2. Vesperis.

Ad Magnificat.

A. Dulcescat filiis

Patris memoria,
Cuius prodigiis

Viget Ossoria,
Sacris praesidiis

Floret Kilkenia,
Eius suffragiis

Donentur gaudia

Nobis in patria.

Per Octavam.
Super Benedictus.

A. Ave, o flos Hiberniae,
Dux et patrone Scotiae,
Miles regis iustitiae,
Confessorum eximie,
Sancte pater,

Cannice iuste,
Pro iniustis

Deum deposce,
A. Ave, pater pretiose,

Laus gentis Hiberniae,
Miles Christi gratiose,

Virtutum vas, Cannice,

Qui sedato virtuose

Motu carnis lubricae
Nactus es victoriose

Sedis locum caelicae,
Nunc, confessor gloriose,

Vultu, voto supplici
Tibi tam affectuose

Assistentes respice.

A. Ave, confessor nobilis,
Pie pastor laudabilis,
Flos abbatum, o Cannice,
Tuas oves serva sane,
Arce lupos, ne taedium
Gregi vis ferat hostium.