Acta Apostolicae Sedis - Commentarium Officiale970

Olim quendam Soror Dulcis invenit, qui eam supplicabat, ne morientem

super viam destitueret. Cum in domu religiosa hospitio excipere nequiret, in

locum longo iam tempore desertum eum comitata est, ubi incepit ei opitulari.

Pervulgata statim voce, postridie iam Serva Dei novos in dies invenire coepit

egenos, unde afflictorum, miserrimorum derelictorumque cura in nomine Iesu

peculiaris eius missio facta est et tamquam maius inceptorum caritatis pi-

gnus, quae interea praeter modum et continuo augebant, Consociationem

Operum Socialium fundavit et Hospitium Sancti Antonii, ut indigentes intra

aedificium firmiter constructum reciperet.

Indoles spiritualis Sororis Dulcis fide simplici, oratione ac paenitentia

enutrita, et misericordia benigna elucet, aequitate atque humanitate morum

induta et christianae navitatis socialis virtutis praeclare conscia. Humilitatis

ac tranquillitatis animi testis fulgens, pauperes consolata est, voluntatem

vivendi egenis suppeditavit, foedissima curavit vulnera, esurientibus dedit

manducare et quibuscumque sive opibus sive spiritu consumptis bonum

suum auxilium praestitit.

His multiplicatis patrociniis, Serva Dei ab Apostolica Sede indultum

commorationis extra domum obtinuit, cum Congregatione sua autem optima

semper cordialique ratione manens coniuncta. Annis transactis, licet in

gravius valetudo eius gradatim verteret, actuositas Servae Dei nullo modo

contrahebatur: collegium enim pro pueris super vias derelictis suscitavit,

Fundationem instituit suo nomine nuncupatam atque aliud fundavit valetu-

dinarium. Anno 1985, in Congregationem redux, pro alia vice Superiorissa

Conventus Sancti Antonii nominata est.

Gravi correpta respirationis exiguitate, in nosocomium recepta est. Ulti-

ma autem aegritudo sedecim menses amplius processit, quos sueta animi

aequitate et plena fiducia in Deo vixit, magnum hoc infirmitatis tempore

Servi Dei Ioannis Pauli Papae II, felicis memoriae, visitationis sumens sola-

cium. Pervulgata sanctitatis fama, Serva Dei Soteropoli de Sinu in Brasilia

die 13 mensis Martii anno 1992 pie occubuit.

Hanc ob sanctitatis famam, a die 17 mensis Ianuarii anno 2000 ad diem

1 mensis Iunii anno 2001 apud Curiam Sancti Salvatoris in Brasilia Inquisitio

Dioecesana celebrata est, cuius auctoritas et vis iuridica a Congregatione de

Causis Sanctorum Decreto diei 7 mensis Novembris anno 2001 probatae sunt.

Positione confecta, iuxta suetum morem, die 15 mensis Aprilis anno 2008, in

Congressu Peculiari Consultorum Theologorum prospero cum exitu discepta-

tum est an Serva Dei more heroum virtutes christianas exercuisset. Patres